વ્હોટસએપ સર્વર થયું ક્રેશ, દુનિયાના કરોડો લોકોના અટક્યા સંદેશ

વ્હોટસએપ મેસેજિંગ એપ બંધ થઇ ગયું. અચાનક જ મેસેજ જતા-આવતા બંધા ગયુ હતું. આ અંગે વધુ વાંચો અહીં.

By Shachi

Updated: Friday, November 3, 2017, 15:27 [IST]

શુક્રવારે બપોરે અચાનક જ લોકપ્રિય વ્હોટસએપ મેસેજિંગ એપ બંધ થઇ ગયું હોવાની જાણકારી મળી છે. અચાનક જ મેસેજ જતા-આવતા બંધા થઇ જતાં પહેલા તો લોકો મૂંઝવણમાં મુકાઇ ગયા હતા, કેટલાક લોકોને તો એમ પણ લાગ્યું હતું કે, નેટવર્કમાં કંઇ પ્રોબ્લેમ હશે કે વાઇ-ફાઇ બંધ થઇ ગયું હશે. પરંતુ થોડા જ સમયમાં ખબર પડી કે આ મેસેજિંગ એપ વિશ્વભરમાં ક્રેશ થઇ ગઇ હતી.

ગણતરીની મિનિટોમાં ટ્વીટર પર આ ખબર વાયરલ થઇ હતી. અનેક લોકોએ ટ્વીટર પર આ અંગે પોસ્ટ લખી હતી કે, તેઓ વ્હોટસએપ થકી મેસેજ નથી મોકલી શકતા. જો કે, થોડી જ મિનિટોમાં આ એપ ફરી પાછી શરૂ પણ થઇ ગઇ હતી. વિશ્વભરમાં 180 દેશોમાં 100 કરોડથી પણ વધુ યૂઝર્સ વ્હોટસએપ વાપરે છે. આ પહેલાં મે મહિનામાં આવી ઘટના બની હતી. આ વર્ષના મે માસમાં થોડા સમય માટે વ્હોટસએપ બંધ થઇ ગયું હતું. મલેશિયા, સ્પેન, જર્મની, નેધરલેન્ડ, બેલ્જિયમ અને યુરોપ જેવા ઘણા દેશોમાં કેટલાક કલાકો માટે વ્હોટસએપની સેવાઓ બંધ થઇ ગઇ હતી.