#ISROનું સેટેલાઇટ મિશન #EOS03 આખરી ક્ષણોમાં ફેલ કેમ થયું?

ભારતીય અવકાશ સંશોધન સંસ્થા (ઇન્ડિયન સ્પેસ રિસર્ચ ઑર્ગેનાઇઝેશન) - ઈસરો આજે 12મી ઑગસ્ટની સવારે 5:45 કલાકે એક નવો ઇતિહાસ રચવાથી ચૂકી ગયું હતું.

ઈસરોના 'અર્થ ઑબ્ઝર્વેશન સેટેલાઇટ (EOS-3)' સાથે GSLV-F10 રૉકેટે ઉડાણ ભરી હતી પરંતુ મિશનના સમયથી 10 સેકંડ પહેલાં જ તકનીકી ખરાબી સર્જાઈ હતી અને મિશન કંટ્રોલ સેન્ટરને રૉકેટના ત્રીજા સ્ટેજમાં લાગેલા ક્રાયૉજેનિક એન્જિનથી 6:29 મિનિટે સિગ્નલ અને ડેટા મળવાનો બંધ થઈ ગયો હતો.

જોકે, ઈસરોની ટીમે થોડા સમય સુધી આંકડાઓ મળે કે વધુ માહિતી મળે તે માટે રાહ જોઈ હતી.

અંતે ઈસરો પ્રમુખે જણાવ્યું હતું કે, ક્રાયૉજેનિક એન્જિનમાં તકનિકી ખામી જોવા મળી છે. આ કારણે મિશન સંપૂર્ણપણે સફળ નથી થઈ શક્યું.

બાદમાં ઈસરોએ મિશન આંશિકરૂપે અસફળ રહ્યું હોવાની જાહેરાત કરી હતી. ઈસરો દ્વારા કરવામાં આવી રહેલું લાઇવ પ્રસારણ પણ તાત્કાલિક બંધ કરી દેવામાં આવ્યું હતું.

https://twitter.com/isro/status/1425631254913843202

આ લૉન્ચમાં ઈસરો માટે પહેલી વખત એક સાથે ત્રણ કામગીરી હતી. પહેલી, સેટેલાઇટ લૉન્ચ કરવું. બીજી, જિયો ર્બિટમાં અર્થ ઑબ્ઝર્વેશન સેટેલાઇટ સ્થાપિત કરવાની હતી, જ્યારે ત્રીજું કામ- ઓજાઇવ પૅલોડ ફેયરિંગ એટલે કે મોટા ઉપગ્રહને અંતરિક્ષમાં મોકલવાનો હતો.

EOS-3ને જિયોસિંક્રોનસ સેટેલાઇટ લૉન્ચ વ્હિકલ-એફ 10 દ્વારા લૉન્ચ કરવામાં આવ્યું હતું. આ રૉકેટ 52 મીટર ઊંચું અને 414.75 ટન વજન ધરાવે છે. તેમાં 3 તબક્કાઓ હતા.

આ સેટેલાઇટ કુદરતી આપદાઓ સંબંધિત ત્વરિત મૉનિટરિંગના હેતુસર લૉન્ચ કરવાનું લક્ષ્ય હતું. જેમાં ચક્રવાત, વાદળ ફાટવાની ઘટના અને ગાજવીજ સાથેના વરસાદી તોફાનો જેવી આફતોના ત્વરિત મૉનિટરિંગનો સમાવેશ થાય છે.

જોકે, હાલ આ મિશન આંશિક રીતે અસફળ રહ્યું છે.

• એ જમાનામાં તાલિબાને અફઘાનિસ્તાનનો શું હાલ કર્યો હતો?
• હિમાચલ પ્રદેશના કિન્નૌરમાં ભૂસ્ખલન, 13 મૃતદેહો મળ્યા, બચાવ કામગીરી ચાલુ
• હોમી ભાભાના ઉત્તરાધિકારી અને કલામના ગુરુ વિક્રમ સારાભાઈની કહાણી

https://youtu.be/sP3xw4DpySc

તમે અમનેફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો

English summary

Why #ISRO's satellite mission # EOS03 failed at the last minute