વિદેશી યુવતિ બની ગેંગરેપનો શિકાર, ચાર યુવકોની ધરપકડ

નવી દિલ્હી, 7 ડિસેમ્બર: દેશની રાજધાની દિલ્હીમાં સ્ત્રીઓની આબરૂ સુરક્ષિત નથી. પરંતુ આ વખતે તેવો કિસ્સો પ્રકાશમાં આવ્યો છે જે આંતરરાષ્ટ્રીય સ્તર પર ભારતને શરમ અનુભવવી પડે. અતિથિ દેવો ભવ: વાળા દેશમાં એક વિદેશી યુવતિનું અપહરણ કરી સામૂહિક બળાત્કાર ગુજારવામાં આવ્યો છે. પોલીસે આ અંગે કેસ દાખલ કરી ચાર લોકોની ધરપકડ કરી લીધી છે.

મળતી માહિતી મુજબ દિલ્હીના તિમારપુર વિસ્તારની છે. આફ્રિકાના રવાંડામાં રહેનારી એક યુવતિએ પોલીસને જણાવ્યું હતું કે આ વિસ્તારમાં રહેતા પ્રવીણ, આલોક, વિકાસ, અને દીપકે પહેલાં તેની સાથે મિત્રતા કરી હતી.

4 ડિસેમ્બરના રોજ આ યુવકોએ પાર્ટી કરવાના બહાને તેને ઘરે બોલાવી હતી અને પછી ડ્રિંકમાં નશીલી દવા આપીને તેની સાથે સામૂહિક બળાત્કાર ગુજાર્યો હતો. પોલીસે તાત્કાલિક ફરિયાદ નોંધીને યુવતીને મેડિકલ ચેકઅપ માટે હોસ્પિટલમાં મોકવામાં આવી હતી. મેડિકલ રિપોર્ટમાં બળાત્કારની ખાત્રી થતાં પોલીસે ત્રણેય આરોપીની ધરપકડ કરી દિધી છે.

પોલીસના જણાવ્યા અનુસાર બળાત્કારના આરોપીઓ ઉત્તર પ્રદેશ અને બિહારના છે. યુવતીએ બુધવારે ફરિયાદ નોંધાવી હતી. પોલીસના જણાવ્યા અનુસાર યુવતીએ પોતાની ફરિયાદમાં પ્રવીણ, આલોક, વિકાસ અને દીપક નામના યુવકો પર ગેંગરેપનો આરોપ લગાવ્યો છે. આ ચારેય આરોપીઓ દિલ્હીના નેહરૂ વિહાર વિસ્તારમાં રહીને સ્પર્ધાત્મક પરિક્ષાઓની તૈયારી કરી રહ્યાં છે.

English summary

Four youth were arrested on Thursday for gang-raping a Rwandan national in Delhi earlier this week, police said.