દિલ્હી ચૂંટણી પંચનો નવતર પ્રયોગ, તમારા પોલિંગ બૂથને જુઓ લાઇવ

Updated: Tuesday, July 15, 2014, 12:10 [IST]

નવી દિલ્હી, 4 ડિસેમ્બર: દિલ્હીમાં આજે ચૂંટણીનો દિવસ છે. 70 બેઠકોવાળી દિલ્હી વિધાનસભાની ચૂંટણી ખૂબ જ સુરક્ષા હેઠળ ચાલી રહી છે. ચૂંટણીનો અડધો દિવસ પસાર થઇ ગયો છે, અત્યાર 1 વાગ્યા સુધી 34 ટકા સુધી મતદાન નોંધાયું હતું. કહેવાય રહ્યું છે કે દિલ્હીમાં કોંગ્રેસ, ભાજપ અને અરવિંદ કેજરીવાલની આમ આદમી પાર્ટી વચ્ચે ત્રિકોણી જંગ છે.

આ પહેલા દેશના અન્ય ચાર રાજ્યોમાં ચૂંટણી પ્રક્રિયા પૂરી થઇ ગઇ છે. દિલ્હી વિધાન સભાની ચૂંટણીની ખાસ વાત એ છે કે દિલ્હી ચૂંટણી કમિશને એક ખાસ પ્રકારની સુરક્ષા વ્યવસ્થાનો પ્રયોગ કર્યો છે. દિલ્હી ચૂંટણી પંચે રાજ્યમાં જેટલા પણ પોલીંગ બૂથ છે તે તમામે તમામ પોલીંગ બૂથ પર પોલીસ બંદોબસ્ત ઉપરાંત લાઇવ વેબકાસ્ટ મોનિટરિંગનો ઉપયોગ કર્યો છે.

દિલ્હી ચૂંટણી પંચે આ ખાસ પ્રકારની વ્યવસ્થામાં દિલ્હીના પૂર્વ, પશ્ચિમ, ઉત્તર, દક્ષિણ, અને મધ્ય દિલ્હીના તમામ પોલિંગ બૂથ પર કેમેરા ગોઠવેલા છે, અને એટલું જ નહીં આ દરેક પોલિંગ બૂથનું લાઇવ સ્ટ્રીમિંગ પણ ચૂંટણી પંચની વેબસાઇટ પર ઉપલબ્ધ કરાવવામાં આવ્યું છે. એટલે કે આ સુવિધા થકી દિલ્હીની જનતા પણ એ ધ્યાન રાખી શકે છે કે તેના પોલિંગ બૂથ પર યોગ્ય રીતે વોટિંગ થઇ રહ્યું છે કે નહીં.

આ પ્રકારનું સુરક્ષા થકી કોઇપણ પોલિંગ બૂથ પર અનિચ્છનિય ઘટના બનવાની તકો ખૂબ જ ઓછી થઇ જાય છે. અને કોઇપણ જાતની હેરાફેરી કે ટેકનીકલ ગરબડ પણ સર્જાવાની શક્યતા નહિવત બની જાય છે.

જુઓ તસવીરોમાં લાઇવ સ્ટ્રિમિંગ કેવી રીતે જોઇ શકશો...

દિલ્હી ચૂંટણીનું જુઓ લાઇવ મોનિટરિંગ

સૌથી પહેલા દિલ્હી ચૂંટણી પંચની વેબસાઇટ પર જાવ. અત્રે તમને એક લેટેસ્ટ અપડેટમાં Live Monitoring of Delhi Assembly Elections 2013 લખેલું હશે. આ લિંક પર ક્લિક કરો.

દિલ્હી ચૂંટણીનું જુઓ લાઇવ મોનિટરિંગ

ક્લિક કર્યા બાદ આપ ચૂંટણી પંચની વેબસાઇટ પરથી લાઇવ વેબકાસ્ટની વેબસાઇટ પર આવી જશો. અને અહીં તમને 9 જેટલા ઓપ્શન આપવામાં આવ્યા હશે. તેમાંથી તમારે જે ઝોનના પોલિંગ બૂધને જોવું હોય તેની પર ક્લિક કરો. જેમકે મધ્ય દિલ્હીમાં જોવું છે તો સેન્ટ્રલ પર ક્લિક કરો.