લંડનમાં ચોપર બિલ્ડિંગ સાથે અથડાયું
એવા સમાચાર પણ છે કે આ ઘટનાનો ભોગ બે કાર પણ બની છે. અન્ડર કન્સ્ટ્રક્શન સેન્ટ જ્યોર્જ વાર્ફ ટાવરમાં આ ચોપર અથડાયું હતું. જેમાં એક પાઇલોટ સવાર હતો. લંડન તત્કાળ સેવાનું જણાવું છે કે તેમને અકસ્માતની જાણ થઇ છે, એ સિવાય વધું કોઇ માહિતી તેમને મળી નથી. આ ઘટનાને નજરે જોનારાએ સ્કાય ન્યૂઝને જણાવ્યું હતું કે, બિલ્ડિંગ નજીક એક મોટું વાદળ હતું અને બની શકે કે તેના કારણે આ દુર્ઘટના સર્જાઇ હોય.
આ દુર્ઘટના જે સ્થળ પર થઇ છે તેની આસપાસ વસ્તીગ્રસ્ત વિસ્તાર છે, જેને બંધ કરવામાં આવ્યો છે અને લોકોને સલામત સ્થળે ખસેડવામાં આવ્યા છે. અન્ય એક નજરે જોનારાએ ડેઇલી મેઇલને જણાવ્યું હતું કે, એક મોટો ધડાકો થયો હતો. તેણે જ્યારે બહાર આવીને જોયું તો ધુમાડાંના ગોટા હતા અને લોકો કેટલાક લોકો આગરહિત જેકેટ પહેરીને ફરી રહ્યાં હતા. અન્ય એકનું કહેવું છે કે, આ અક્સમાત રેલવે લાઇનની નજીક થયો છે.
ઘટના બાદ મેટ્રોપોલિટન પોલીસના પ્રવક્તાએ કહ્યું કે, અમને સવારે આઠ વાગ્યે આ ઘટના અંગેનો ફોન આવ્યો હતો ત્યારથી અમે આ ઘટના સાથે જોડાયેલા છીએ. હજુ સુધી વધુ કોઇ માહિતી મળી નથી.