રશિયામાં આતંકી હુમલોઃ 48 કલાકમાં બે વિસ્ફોટ, 10ના મોત

મોસ્કોઃ વિશ્વના શક્તિશાળી દેશોમાં સ્થાન મેળવનારું રશિયા પણ આતંકવાદથી અછૂતુ રહી શક્યું નથી. રશિયાના વોલ્ગોગ્રાદ શહેરમાં વિજળીથી ચાલતી એક ટ્રોલી બસમા એક આત્મઘાતી બોમ્બર દ્વારા બસમાં વિસ્ફોટ કરવામાં આવ્યો. આ રશિયામાં 48 કલાકમાં થયેલો બીજો ધડાકો છે, જેમા અત્યારસુધીમાં 14 લોકોના મોત નીપજ્યા હોવાનું જાણવા મળ્યું છે.

આ વિસ્ફોટ સોમવારે થયો,જેમાં 14 લોકોના મોત થયા છે અને 10ને ઇજા પહોંચી છે. રશિયા ઇન્વેસ્ટિગેશન કમિટિના પ્રવક્તા વ્લાદિમીર માર્કિને જણાવ્યું કે, આ હુમલો રવિવારે રેલવે સ્ટેશન પર થયેલા હુમલાને મળતો આવે છે અને આ એક આતંકવાદી હુમલો હોઇ શકે છે. આ વિસ્ફોટમાં મૃતકોની સંખ્યા 18 થઇ ગઇ છે અને 45 લોકોને ઇજા પહોંચી છે. સ્વાસ્થ્ય મંત્રીના પ્રેસ સેવાએ સોમવારે જણાવ્યું કે, વિસ્ફોટમાં 62 લોકોને ઇજા પહોંચી છે અને તેમાથી 14ની ઘટનાસ્થળે જ મોત થઇ ગઇ છે અન્ય ત્રણે હોસ્પિટલમાં દમ તોડ્યો.

વોલ્ગોગ્રાદમાં 48 કલાકની અંદર બે વિસ્ફોટ સોચીમાં શીતકાલીન ઓલિમ્પિક આયોજનના છ સપ્તાહ પહેલા થયા છે. આપાતકાલીન મામલાના મંત્રીએ ઇજાગ્રસ્તોની મદદ માટે ચિકિત્સીય સેવાથી લેસ એક વિમાનને ઘટનાસ્થળે મોકલ્યું છે. વિન્ટર ઓલિમ્પિકની તૈયારીમાં લાગેલા રશિયાના શહેર વોલ્ગોગ્રાદમાં કાલે થયેલા આત્મઘાતી હુમલા બાદ ફરીથી આ ફિદાયિન હુમલો થયો છે.

English summary

Two consecutive explosions claimed 14 lives in Volgograd city of Russia. Russian officials say a suicide bomber blew himself up on a trolleybus.