બ્રિટેનમાં હિન્દુઓની માંસના સ્રોતને સાર્વજનિક કરવાની માંગ

લંડન, 11 માર્ચ: બ્રિટેનમાં હિન્દુ સમુદાયોએ સરકાર પાસે એવી માગ મૂકી છે કે તે વિવિધ રેસ્ટોરન્ટને માંસના સ્રોતને સાર્વજનિક કરે. આ હિન્દુઓની માંગ છે કે તેઓ સ્પષ્ટરીતે એ બતાવે કે આ માંસ ક્યાંથી લાવવામાં આવે છે, અને કોનું હોય છે. એવી બાબતો સામે આવી છે કે સ્કોટલેન્ડમાં ભારતીય ભોજન વેચનાર ખોટા અને વાંધાજનક પ્રાણીઓના માંસનો ઉપયોગ કરતા હતા.

આખા યુરોપમાં ઘોડાના માંસને લઇને ચાલી રહેલા વિવાદ વચ્ચે એ બાબત સામે આવી છે કે સ્કોટલેન્ડના એક તૃતિયાંશથી વધારે રેસ્ટોરન્ટ બકરાના માંસના બદલે સસ્તા એટલે કે ગાયના માંસનો ઉપયોગ કરે છે. હિન્દુ ધર્મમાં ગાયને માતા ગણવામાં આવતી હોવાથી હિન્દુઓ તેના માંસનું સેવન કરતા નથી.

'હિન્દુ કાઉન્સિલ બ્રિટેન'ના પ્રબંધ નિર્દેશક અનિલ ભનોટનું કહેવું છે કે 'આ મુદ્દો ધાર્મિક ચિંતા પેદા કરનારો છે કારણ કે માંસાહાર કરનારા હિન્દુઓ ગાયનું માંસ ખાવાનું પસંદ નહીં કરે કારણ કે હિન્દુ ધર્મમાં ગાયને પવિત્ર માનવામાં આવી છે.'

તેમણે જણાવ્યું કે 'મોટાભાગના હિન્દુઓ શાકાહારી છે પરંતુ અમારી ગણતરી પ્રમાણે બ્રિટેનમાં રહેનારા એક તૃતિયાંશ હિન્દુઓ માંસાહારી છે અને તેમના માટે એ જાણવું જરૂરી છે કે માંસના નામે તેમને શું પીરસાઇ રહ્યું છે.'

English summary

Hindu groups based in the UK have called on the government to enforce stricter disclosure norms after it emerged that many restaurants serving Indian food in Scotland were using the wrong kind of meat.