ટી20 રેન્કિંગમાં ટીમ ઇન્ડિયા ત્રીજા સ્થાને

દુબઇ, 09 ઑક્ટોબરઃ તાજેતરમાં સમાપ્ત થયેલા ટી20 વિશ્વકપ 2012ની સેમીફાઇનલમાં સ્થાન નહીં બનાવી શકનાર ટીમ ઇન્ડિયા આઇસીસી ટી20 રેન્કિંગમાં ત્રીજા સ્થાને છે, જ્યારે 33 વર્ષ બાદ વિશ્વકપ જીતવામાં સફળ રહેનાર વેસ્ટઇન્ડિઝની ટીમ રેન્કિંગમાં બીજા સ્થાને પહોંચી ગઇ છે. વેસ્ટઇન્ડિઝે વિશ્વકપની ફાઇનલમાં શ્રીલંકાને 36 રનથી હરાવ્યું હતું.

વિશ્વકપમાં વેસ્ટઇન્ડિઝ ટીમ સાતમાં ક્રમે હતી. પરંતુ વિશ્વકપ પૂર્ણ થયો ત્યાં સુધીમાં તે બીજા સ્થાને પહોંચી ગઇ છે. આ ઉપરાંત શ્રીલંકા પહેલા સ્થાન પર, ઇંગ્લેન્ડ, દક્ષિણ આફ્રિકા અને ઓસ્ટ્રેલિયા રેન્કિંગ ક્રમશઃ ચોથા, પાંચમા અને સાતમા નંબર પર છે.

બીજી તરફ બેટિંગ રેન્કિંગમાં ન્યૂઝીલેન્ડનો બ્રેડન મેક્કુલમ પ્રથમ, ક્રિસ ગેઇલ બીજા અને શેન વોટ્સન ત્રીજા સ્થાન પર છે. ભારત તરફથી સુરેશ રૈના પાંચમાં સ્થાન પર અને વિરાટ કોહલી દસમાં સ્થાન પર છે.

પોતાના શાનદાર પ્રદર્શન થકી વેસ્ટઇન્ડિઝને વિશ્વવિજેતા કરનાર મર્લોન સેમ્યુઅલ્સ ટી20 બેટ્સમેનોની રેન્કિંગમાં ટોપ 20માં શામેલ થઇ ગયો છે. તે રેન્કિંગમાં 18માં ક્રમ પર છે. બીજી તરફ સુનીલ નારાયણે પણ ટી20 બોલિંગ રેન્કિંગમાં ટોપ 20માં સ્થાન મેળવવામાં સફળતા હાંસલ કરી છે.

ટીમ	અંક	રેટિંગ
શ્રીલંકા	1524	127
વેસ્ટઇન્ડિઝ	1450	121
ભારત	1322	120
ઇન્ગલેન્ડ	1647	118
દક્ષિણ આફ્રિકા	1526	117
પાકિસ્તાન	2088	116
ઓસ્ટ્રેલિયા	1615	108
ન્યૂઝીલેન્ડ	1261	97
બાંગ્લાદેશ	597	85

આયરલેન્ડ	659	82
ઝિમ્બાબ્વે	306	44

English summary

The Indian cricket team’s disastrous World Twenty20 campaign pushed it to third place in the ICC T20 rankings while this year’s champion West Indies jumped five places to grab the second spot.