For Quick Alerts
For Daily Alerts
દાઉદના સમધી મિયાંદાદને મળ્યા ભારત આવવાન વીઝા
લાહોર, 2 જાન્યુઆરીઃ અન્ડરવર્લ્ડ ડોન દાઉદ અબ્રાહિમના સમધી અને પૂર્વ પાકિસ્તાની સુકાની જાવેદ મિયાંદાદને ભારત આવવાના વીઝા મળી ગયા છે. તેમણે જાતે જ એ ખુલાસો કર્યો છે કે તે દિલ્હીમાં થનારી ભારત-પાકિસ્તાનની ત્રીજી વનડે જોવા માટે તે ભારત આવશે. પાકિસ્તાની સમાચાર પત્ર ડોનના અહેવાલ અનુસાર મિયાંદાદે કહ્યું કે મારા વીઝા અને ટીકીટ તૈયાર છે. હું છઠ્ઠી જાન્યુઆરીએ રમાનારી મેચ જોવા માટે દિલ્હી જવાનો છું.
નોંધનીય છે કે વર્ષ 2005માં દાઉદ ઇબ્રહિમની પુત્રી માહરુખના લગ્ન જાવેદ મિયાંદાદના પુત્ર જુનૈદ સાથે થયા હતા. વર્ષ 2005મા મીડિયામાં એવા અહેવાલ આવ્યા હતા કે જાવેદ મિયાંદાદ વીઝા માટે એપ્લાય કરશે તો તેમની અરજી સ્વિકારવામાં આવશે નહીં. જો કે, હવે જાવેદ મિયાંદાદે જાતે જ એ ખુલાસો કર્યો છે કે તેમને ત્રીજી વનડે જોવા માટેની ટીકીટ અને વીઝા મળી ગયા છે. તેમણે કહ્યું કે મને ભારતના વીઝા મળવામાં કોઇ મુશ્કેલી પડી નથી અને હું આ મોટા મુકાબલા માટે ભારત જવાને લઇને ઘણો જ ઉત્સાહિત છું.
આ પહેલા મિયાંદાદ વિશ્વકપ ક્રિકેટ દરમિયાન મોહાલીમાં રમાયેલી ભાર-પાક સેમીફાઇનલ મેચ જોવા માટે પણ આવવાના હતા પરંતુ અંતિમ સમયે તેમનું આવવાનું ટાળી દેવાયું હતું. મિયાંદાદ હાલ પીસીબીના બીજા સૌથી કદાવર અધિકારી છે.