સુંદર ઘાટીઓનું શહેર છે અલોંગ

Published: Thursday, October 24, 2013, 13:38 [IST]

પશ્ચિમી સિયાંગ જિલ્લાના પર્વતો વચ્ચે સ્થિત અલોંગ એક સુંદર શહેર છે, જે નાના-નાના ગામોને મળીને બન્યુ છે. આ શહેર આસામ અને અરુણાચલ પ્રદેશની સરહદો નજીક સિયાંગ નદીની બે સહાયક નદી યોમગો અને સીપૂના કાંઠે આવેલું છે. સમુદ્ર તટથી તેની ઉંચાઇ અંદાજે 300 મીટર છે.

અલોંગની પ્રાકૃતિક સુંદરતા બેજોડ છે. અહીંના પર્વતોની શાંત અને સ્થિર ઘાટીઓ તમને પ્રકૃતિ સાથે રુબરુ કરતી નજરે ચઢશે. પશ્ચિમી સિયાંગ જિલ્લાનું મુખ્યાલય હોવાની સાથોસાથ ટ્રેકિંગ, રીવર રાફ્ટિંગ અને હાઇકિંગ માટે પણ આ એક આદર્શ સ્થળ છે. આ ઉપરાંત અલોંગ બેંત અને વાંસના ઉત્પાદન માટે પણ જાણીતું છે. સાથે જ આ ક્ષેત્રના જનજાતિય લોકો દ્વારા બનાવવામાં આવેલા હેંડલૂમ ઉત્પાદ જેમકે, શાલ, જેકેટ અને બેગ પણ ઘણી જ લોકપ્રીય છે.

અલોંગ અને તેની આસપાસ અનેક જોવાલાયક પ્રવાસન સ્થળો આવેલા છે. પાતુમ બ્રિજ, હેગિંગ બ્રિજ, મેચુકાની ઘાટી, અકાશીંગગા મંદિર, ડોનિયો મંદિર, મિથુન અઇને જર્સી ક્રાસ બ્રીડિંગ ફર્મ, પુવક ઘાટ, માલિનીથાન, રામકૃષ્ણ આશ્રમ અને કમકી હાઇજ્રોપાવર ડેમ અહીંના મહત્વપૂર્ણ અને પ્રવાસી આકર્ષણ જગાવતા પ્રવાસન સ્થળ છે. અહીંનું આર્કિડ રિઝર્વ ફોરેસ્ટ પણ એક પ્રમુખ આકર્ષણ છે. આ રિઝર્વમાં આર્કિડની વિશાળ પ્રજાતિઓ સાથે તેમને પણ રાખવામાં આવ્યા છે, જે ઘણા જ દુર્લભ અને સંકટગ્રસ્ત છે. તો ચાલો તસવીરો થકી નીહાળીએ સુંદર ઘાટીઓના શહેર એવા અલોંગને.