ગોવાના આ શહેરમા જતાં જ બદલાઇ જશે તમારો મૂડ

Published: Thursday, January 9, 2014, 16:53 [IST]

ગોવામાં આવેલા અંજુના બીચ સુધી તમે સડકમાર્ગે પહોંચી શકો છો અને આ પ્રસિદ્ધ કેંડોલિમ બીચથી 3 કિમી દૂર છે. અંજુનામાં કેટલાક મોંઘા હોટલ છે, તેથી આ સ્થળે આવતા એવું લાગે છે, જાણે કે તમે કોઇ પાર્ટીમાં આવ્યા છો. આ બીચ સૌથી પ્રાચીન બીચોમાનું એક છે અને અહીં આવતા પ્રવાસીનો મૂડ એકદમ બદલાય જાય છે, કારણ કે અહીંની ગતિ ધીમી અને વ્યવસાયીકરણ નહીંવત છે.

કર્લીસમાં એક બપોર વિતાવ્યા વગર અંજુનાની યાત્રા અધુરી છે. કર્લીસ, ગોવાના સમુદ્ર કિનારે બનેલું એક ઘણું જ પ્રસિદ્ધ રેસ્ટોરાં છે. બીચ પર ઉંઘવુ, મોંઘી કોકટેર અને અંજુનાના લહેરોની મજા લેવાની સાથો-સાથ આ બીચ વાચકો માટે પણ એક સ્વર્ગ છે. તમારે ઇમેઇલ ચોક કરવો હોય અથવા તો રજા દરમિયાન અન્ય કોઇ કામ કરવુ હોય તો કર્લીસ તમારા માટે એક યોગ્ય સ્થળ છે. અહીં એ વાતની ગેરન્ટી છે કે કામ કરતી વખતે પણ તમારી રજાની મજા નહીં બગડે. કર્લીસમાં બે ડેક બનેલા છે અને ઉપરવાળા ડેકથી અંજુના બીચનો અત્યંત સુંદર નજારો જોઇ શકાય છે.

અંજુના બીચની ખાસ વાત એ છે કે, ઉભી શેલ્ફના કારણે આ અન્ય બીચોની સરખામણીએ અધિક ઉંડો છે. દરેક સમયે લાઇફગાર્ડ ઉપલબ્ધ હોવાની સાથોસાથ ખાવું પીવું અથવા કામ વચ્ચે સ્વીમિંગની મજા લઇ શકો છો. કર્લીસથી થોડેક દૂર સ્થિત અંજુના કબાડી બજાર, અન્ય એક જોવાલયક સ્થળ છે. સામાન્ય રીતે વીકેન્ડ પર લાગતા બજારમાં તમે ઘણી બધી વસ્તુઓ, બેગ, ફૂટવેર અને ગોવા ફેશનનો સામાન ખરીદી શકો છો. જો તમે શાંત અને સૌમ્ય જીવનશૈલી જીવવાનું પસંદ કરો છો તો અંજુના બીચ સાથે તમને પ્રેમ થઇ જશે. તો ચાલો તસવીરો થકી જોઇએ ગોવાના અંજુનાને.