એવું શું થયું કે ગોવાના આ શહેરને છોડવા મજબૂર થયા લોકો?

Published: Tuesday, January 21, 2014, 13:04 [IST]

રાજધાની પણજીની ઉત્તર દિશા તરફ 10 કિ.મી. સુધી પ્રાચીન ગોવા સ્થિત છે. ઐતિહાસિક તથા વાસ્તુકળામાં સમૃદ્ધ આ સ્થળ પોર્ટુગીઝ શાસન દરમિયાન ગોવાની રાજધાની હતું. સ્થાનિક રીતે વેલ્હા ગોવાના નામથી જાણીતુ પ્રાચીન ગોવા પોર્ટુગીઝો હસ્તગત આવ્યું તે પહેલા 15મી સદીમાં બીજાપુરના પ્રશાસન દ્વારા બનાવવામાં આવ્યું હતું.

પ્રાચીન ગોવામાં આજે વધુ લોકો રહેતા નથી. પરંતુ પહેલા એવું નહોતું, એક સમયે આ શહેર ગોવાનું સૌથી વધું વસ્તી ધરાવતું શહેર હતું, પરંતુ 17મી સદીમાં બીમારી અને મહામારીએ લોકોને આ શહેર છોડવા માટે મજબૂર કરી દીધા હતા. ત્યારથી આ શહેરને વેલ્હા ગોવા કહેવામાં આવ્યું, જેને આજે બધા પણજીના નોવા ગોવાના નામથી જાણે છે.

જો અહીં એવું કંઇક છે જે પ્રાચીન ગોવાનું ગૌરવ દર્શાવે છે, તો તે છે, અહીં બનેલા ચર્ચ. ગોવામાં અસીસી કે સેન્ટ ફ્રાન્સિસ ચર્ચ, પોર્ટુગીઝના સમયનું ચર્ચ છે, જે 17મી સદીમાં સ્થાનિક લોકો દ્વારા બનાવવામાં આવ્યું હતું. તેના આંગણની વચ્ચોવચ સેંટ માઇકલની મૂર્તિ સ્થાપિત છે. અહીં સુશોભિત સ્તંભોથી લઇને સેંટ પીટર અને સેંટ પોલની મૂર્તિઓ સુધી, દરેક વસ્તુ ભવ્ય છે, જે બીજા આંતરરાષ્ટ્રીય સ્થળો જેમ કે, સેંટ પીટર્સબર્ગમાં મળી આવે છે. તેમાં જરા પણ શંકા નથી કે વેલ્હા ગોવામાં ધાર્મિક મૂલ્ય ઘણું છે. તો ચાલો તસવીરો થકી નીહાળીએ પ્રાચીન ગોવાને.