ચાર્જ કરતા સમયે મોબાઇલ વાપરતા પહેલા સાવધાન, 17 વર્ષની તરૂણીનું મોત

મહેસાણા જિલ્લાના બેચરાજી તાલુકાના ચેતાસણ ગામની 17 વર્ષીય તરૂણી બુધવારના રોજ ગંભીર ઈજાઓના કારણે મૃત્યુ પામી હતી. આ તરૂણી ચાર્જમાં મૂકીને પોતાના મોબાઈલ પર વાત કરી રહી હતી, તે દરમિયાન તેનો મોબાઇલ ફાટ્યો હતો.

Published: Friday, July 30, 2021, 15:05 [IST]

મહેસાણા જિલ્લાના બેચરાજી તાલુકાના ચેતાસણ ગામની 17 વર્ષીય તરૂણી બુધવારના રોજ ગંભીર ઈજાઓના કારણે મૃત્યુ પામી હતી. આ તરૂણી ચાર્જમાં મૂકીને પોતાના મોબાઈલ પર વાત કરી રહી હતી, તે દરમિયાન તેનો મોબાઇલ ફાટ્યો હતો. જે કારણે તે ગંભીરરીતે ઇજાગ્રસ્ત થઇ હતી અને તેનું મોત થયું હતું.

મૃતકનું નામ શ્રદ્ધા દેસાઈ છે, જે પોતાના મોબાઇલ ફોનને ચાર્જમાં મૂકીને વાત કરી રહી હતી, તે દરમિયાન મોબાઇલ ફાટવાને કારણે તેનું મોત થયું હતું, જે બાદ પોસ્ટ મોર્ટમ કર્યા વગર જ તેના પરિવાર દ્વારા મૃતદેહનો અંતિમ સંસ્કાર કરવામાં આવ્યો હતો.

Caution before using mobile while charging

આ ઘટના અંગે બેચરાજી પોલીસ સ્ટેશનના પોલીસ સબ ઇન્સ્પેક્ટર એમ. જે. બારોટ જણાવે છે કે, અમને આ ઘટનાની જાણ મીડિયાના અહેવાલો બાદ થઇ હતી. જ્યારે અમે પીડિત પરિવારના પહોંચ્યા ત્યારે મૃતદેહની અંતિમવિધિ કરી નાંખવામાં આવી હતી. હાલ પરિવાર અંતિમવિધિમાં વ્યસ્ત હોવાથી પછીથી સમગ્ર ઘટના જાણવા માટે પરિવારના સભ્યોની પૂછપરછ કરવામાં આવશે. પોલીસની પ્રાથમિક તપાસમાં બહાર આવ્યું છે કે, આ ઘટના બની ત્યારે બારમા ધોરણમાં અભ્યાસ કરતી શ્રદ્ધા દેસાઇ નામની વિદ્યાર્થીની તેના કોઇ સંબંધી સાથે મોબાઇલ ફોન પર વાત કરી રહી હતી. ત્યારે મોબાઇલ ફોનની બેટરી ફાટવાને કારણે તેનું મોત થયું હતું.

આ ઘટના વિશે વિગતો આપતા મૃતકના પિતા શંભુએ જણાવ્યું કે, જ્યારે આ ઘટના બની ત્યારે મૃતક ઘરના ઉપરના માળે હતી. મોબાઇલ ફોનના વિસ્ફોટના કારણે રૂમનો દરવાજો કાળો પડી ગયો હતો. તેમજ રૂમમાં સંગ્રહિત સુકા ઘાસમાં પણ આગ લાગી ગઇ હતી. શ્રદ્ધા મોબાઇલ ફોનમાં વાત કરતી હતી, જે સમયે તેના મોબાઇલની બેટરી ડાઉન હોવાથી ચાર્જ કરવા માટે મૂકી રહી હતી, તે જ સમયે વિસ્ફોટ થયો હતો. વિસ્ફોટનો અવાજ સાંભળીને અમે ઉપર આવ્યા ત્યારે શ્રદ્ધા બેભાન થઈને પડી ગઇ હતી.

Published On July 30, 2021