ગુજરાત બજેટ 2017માં શિક્ષણ ક્ષેત્રના ફાળે શું આવ્યું?

ગુજરાત બજેટ 2017. આ વખતના બજેટમાંથી શિક્ષણ ક્ષેત્રને શું મળશે? જાણો અહીં.

By Oneindia

Updated: Tuesday, February 21, 2017, 18:01 [IST]

ગુજરાત વિધાનસભા ગૃહના બજેટ સત્ર નો 20 ફેબ્રુઆરી, 2017 થી પ્રારંભ થયો છે, 31 માર્ચ, 2017 સુધી ચાલનારા આ બજેટ સત્રના 26 દિવસો દરમિયાન કુલ 28 બેઠકો મળશે. ગુજરાતના નાણા મંત્રી નીતિન પટેલે આજે મંગળવારના રોજ વર્ષ 2017-18 માટે બજેટ રજૂ કર્યું છે.

આ વખતના બજેટમાંથી શિક્ષણ ક્ષેત્રના ભાગે કઇ કેટલી સુવિધાઓ માટે ફાળવણી કરવામાં આવી છે, એ અંગે વિગતવાર માહિતી મેળવો અહીં..

શિક્ષણ માટે 25 હજાર કરોડની જોગવાઈ, ગત વર્ષ કરતાં 1185 કરોડ વધારે
મુખ્યમંત્રી યુવા સ્વાવલંબન યોજના પાછળ 1100 કરોડની ફાળવણી
શિક્ષણના તમામ સ્તરની ગુણવત્તા સુધારવા 440 કરોડની જોગવાઈ

શાળાના વિદ્યાર્થીઓ માટે..

પ્રાથમિક શાળાના 60 લાખ 60 હજારવિદ્યાર્થીઓને મફતમાં પાઠ્યપુસ્તક અને ગણવેશ અપાશે
માધ્યમિક અને ઉચ્ચતર માધ્યમિક શાળાના 21 લાખ 3 હજાર વિદ્યાર્થીઓને મફત પાઠ્યપુસ્તકો અપાશે
1200 પ્રાથમિક શાળાઓમાં સ્માર્ટ ક્લાસ શરૂ કરાશે, જેમાંથી 100 શાળાના વિદ્યાર્થીઓને ટેબ્લેટ આપવામાં આવશે
ગ્રાન્ટેડ શાળાઓમાં ધોરણ 9થી 12ની 7 લાખ 44 હજાર 152 લિદ્યાર્થીનીઓને મફત શિક્ષણ પુરૂં પાડવામાં આવશે
વેરાવળ અને સુરત જિલ્લાના આદિવાસી વિસ્તારમાં 2 સૈનિક શાળાઓ શરૂ કરવામાં આવશે
માધ્યમિક અને ઉચ્ચતર માધ્યમિકની 30 નવી સરકારી શાળાઓ શરૂ કરવામાં આવશે
માધ્યમિક અને ઉચ્ચતર માધ્યમિક શાળાઓમાં ગણિત અને વિજ્ઞાન વિષયનું શિક્ષણ આપવા 7233 પ્રવાસી શિક્ષકો રોકવામાં આવશે
આરટીઈ એક્ટ હેઠળ રાજ્યની 1 લાખ 46 હજાર ખાનગી શાળાઓમાં પ્રાથમિક શિક્ષણ પુરૂં પાડવામાં આવશે
આરટીઈ હેઠળ સરકાર વિદ્યાર્થી દીઠ 13 હજાર ફીની ચૂકવણી કરશે
પ્રાથમિક શાળાના 6500 નવા ઓરડા બનાવાશે
10 નવી સરકારી માધ્યમિક શાળાઓના મકાન બાંધવામાં આવશે
જરૂરિયાત મંદ સમાજના વિદ્યાર્થીઓ માટે 166 કરોડની જોગવાઈ

ઉચ્ચ અભ્યાસ અને કોલેજ અર્થે..

ઉચ્ચ શિક્ષણ મેળવતા 45 હજાર વિદ્યાર્થીઓને ટ્યુશન ફી, ભોજનાલય અને છાત્રાલયની સુવિધા
સેલ્ફ ફાઈનાન્સ મેડિકલ કોલેજોમાં અભ્યાસ કરતી તમામ વર્ગની વિદ્યાર્થીનીઓને મફતમાં મેડિકલ શિક્ષણ,તમામ ફી સરકાર ભરશે
ધોરણ 12 બાદ કોલેજ અને પોલિટેકનિકમાં પ્રવેશ મેળવનાર તમામ 3 લાખ 50 હજાર વિદ્યાર્થીઓને 1000ની ટોકન કિંમતે ટેબ્લેટ આપવામાં આવશે
પ્રાથમિક તબક્કે ડીજીટલ લર્નિંગ માટે 261 કરોડની જોગવાઈ
37 કોલેજોમાં ડીજીટલ એજ્યુકેશન લર્નિંગ લેબ ઉભી કરાશે
રીસર્ચને પ્રોત્સાહન આપવા સ્ટુડન્ટ્સ ઈનોવેશન ફંડ ઉભું કરાશે
ઉચ્ચ અભ્યાસ માટે વિદેશની યુનિવર્સિટીઓમાં પ્રવેશ મેળવનાર વિદ્યાર્થીઓને અભ્યાસ માટે મોરેટોરીયમ સમય માટે વ્યાજ સહાય આપવામાં આવશે
ફાર્મસીના ઉચ્ચ અભ્યાક્રમો માટે પસંદ કરાયેલી યુનિવર્સિટીઓમાં સેન્ટર ઓફ એક્સેલન્સ અને આધુનિક લેબ ઉભી કરાશે
4 પ્રાદેશિક મોબાઈલ વિજ્ઞાન પ્રયોગશાળાઓ શરૂ કરાશે
આદિવાસી વિસ્તારોમાં 10 અને અન્ય વિસ્તારમાં 16 નવી કોલેજો બાંધવામાં આવશે
હાલોલના આદિવાસી વિસ્તારમાં 5 ડિપ્લોમા અભ્યાસક્રમો સાથે 1 નવી સરકારી પોલિટેકનિક શરૂ કરવામાં આવશે
ધોળકા ખાતે પીપીપી ધોરણે ઈજનેરી કોલેજ શરૂ કરાશે
જુનાગઢમાં નરસિંહ મહેતા યુનિવર્સિટી અને ગોધરા ખાતે ગોવિંદ ગુરૂ યુનિવર્સિટીના કેમ્પસ બાંધકામ માટે 52 કરોડની જોગવાઈ