ઇસરો 5 વર્ષમાં 58 સ્પેસ મિશન પર કામ કરશે

નવી દિલ્હી, 7 ઑક્ટોબર : ઇસરો (ઇન્ડિયન સ્પેસ રિસર્ચ ઓર્ગેનાઇઝેશન)એ 12મી પંચવર્ષીય યોજનાના આવનારા પાંચ વર્ષમાં ચંદ્ર અને મંગળ પર સ્પેસ ક્રાફ્ટ મોકલવા, દેશ પર 24 કલાક નજર રાખતો ઉપગ્રહ અને 500 ટ્રાન્સપોન્ડર્સ ગોઠવવા સહિતના 58 સ્પેસ મિશન પર કામ કરશે.

ઇસરો પાંચ વર્ષ દરમિયાન દેશનું પોતાનું ગ્લબલ પોઝિશનિંગ સિસ્ટમને ઑર્બિટમાં મૂકવા માંગે છે. જેમાં 7 ઇન્ડિયન રિજિઓનલ, નેવિગેશન સેટેલાઇટ સિસ્ટમ (આઇઆરએનએસએસ)નો પણ સમાવેશ થાય છે.

ગયા સપ્તાહે કેબિનેટમાં મંજૂર થયેલી 12મી પંચવર્ષીય યોજનામાં ઇસરોએ ડીટીએચ ઓપરેટર્સ, સેટેલાઇટ મોબાઇલ કોમ્યુનિકેશન અને નવી પેઢીની બ્રોડબેન્ડ વીસેટ સિસ્ટમની વધતી માગણીઓને ધ્યાનમાં લઇને વર્તમાન 187 ટ્રાન્સપોન્ડર્સમાં બીજા 400 ટ્રાન્સપોન્ડર્સનો ઉમેરો કરવાનું આયોજન કર્યું છે.

ઉલ્લેખનીય છે કે ડિપાર્ટમેન્ટ ઓફ સાયન્સ માટે 12મી પંચવર્ષીય યોજના માટે કુલ રૂ. 39,750 કરોડ ફાળવ્યા છે. જેમાં 33 ઉપગ્રહ અભિયાન અને 25 લોન્ચ વ્હીકલ અભિયાનનો સમાવેશ થાય છે. આ ઉપરાંત જીઓ ઇમેજિંગ સેટેલાઇટ એટલે કે જીસેટ ઉપગ્રહ પણ છોડવાનું આયોજન છે.

English summary

ISRO plans to launch 58 space missions, including sending spacecraft to moon and Mars, an exclusive satellite to keep a round-the-clock watch on the country and deploy 500 transponders in the next five years.