શ્રદ્ધાના મોબાઇલથી જ હત્યારા આફતાબે ઓર્ડર કર્યુ હતુ ફ્રીજ, દિલ્હી શિફ્ટિંગ બિલ પર થયો હતો ઝઘડો
દિલ્હીમાં લિવ ઇન રિલેશનમાં રહેતા આફતાબ અમીન પુનાવાલાએ પોતાની જ પાર્ટનર શ્રદ્ધા વોકરની હત્યા કરી હતી. હત્યા કર્યા બાદ તેના શરીરના 35 ટુકડા કરી નિકાલ કરી રહ્યો હતો. આ કેસમાં દિલ્હી પોલીસ મહેરૌલીમાં આ કેસ સાથે સંબંધિત દરેક
દિલ્હીમાં લિવ ઇન રિલેશનમાં રહેતા આફતાબ અમીન પુનાવાલાએ પોતાની જ પાર્ટનર શ્રદ્ધા વોકરની હત્યા કરી હતી. હત્યા કર્યા બાદ તેના શરીરના 35 ટુકડા કરી નિકાલ કરી રહ્યો હતો. આ કેસમાં દિલ્હી પોલીસ મહેરૌલીમાં આ કેસ સાથે સંબંધિત દરેક પાસાઓની ગંભીરતાથી તપાસ કરી રહી છે. હાલમાં એક અપડેટ આવ્યુ છેકે જે ફ્રિજમાં શ્રદ્ધાના શરીરના ભાગો છુપાવવામાં આવ્યા હતા. આરોપી આફતાબે આ ફ્રીજ ક્યાંથી અને ક્યારે ખરીદ્યું? આ સવાલોના જવાબ દિલ્હી ક્રાઈમ બ્રાન્ચને મળી ગયા છે.
જે ફ્રિજમાં શ્રદ્ધા વોકરના શરીરના ટુકડાઓ આફતાબે રાખ્યા હતા તે શ્રદ્ધાના પોતાના મોબાઈલ નંબર પરથી મંગાવવામાં આવ્યુ હતુ. દિલ્હી પોલીસની તપાસમાં સામે આવ્યું છે કે આ ફ્રિજ તિલક ઈલેક્ટ્રોનિક્સ પાસેથી ખરીદવામાં આવ્યું હતું. આ રેફ્રિજરેટર આફતાબે શ્રદ્ધાના શરીરના અંગોને સ્ટોર કરવા માટે ખરીદ્યું હતું. રેફ્રિજરેટરના ઓર્ડરમાં અલગ-અલગ મોબાઈલ નંબર આપવામાં આવ્યા છે, કહેવામાં આવ્યું છે કે આ નંબરો માત્ર શ્રદ્ધાના છે. આફતાબે પોલીસને જણાવ્યું કે જ્યારે તેઓ બંને વસઈથી દિલ્હી શિફ્ટ થયા ત્યારે તેમની અને શ્રદ્ધા વચ્ચે પેકર્સ અને મૂવર્સનું બિલ ચૂકવવા બાબતે ઝઘડો થયો હતો.
દિલ્હી પોલીસના જણાવ્યા અનુસાર આરોપી આફતાબની પૂછપરછ દરમિયાન જાણવા મળ્યું છે કે તે જૂનમાં મહારાષ્ટ્રના પાલઘર જિલ્લામાં શ્રદ્ધા સાથે દિલ્હી શિફ્ટ થયો હતો. પાલઘરના ફ્લેટમાંથી કુલ 37 બોક્સમાં તેમનો સામાન દિલ્હી પહોંચાડવામાં આવ્યો હતો. આ માટે, પેકર્સ અને મૂવર્સને 20,000 રૂપિયા ચૂકવવામાં આવ્યા હતા. પોલીસ સૂત્રોના જણાવ્યા અનુસાર, પૂનાવાલા અને શ્રદ્ધા વચ્ચે પેકર્સ અને મૂવર્સનું બિલ ચૂકવવા બાબતે પણ ઝઘડો થયો હતો. આ પેમેન્ટ કોણ કરશે તે બાબતે બંને વચ્ચે ઝઘડો થયો હતો.
પોલીસ અધિકારીઓના જણાવ્યા અનુસાર, મુંબઈના મીરા રોડ જિલ્લામાં આવેલા ફ્લેટના માલિકનું નિવેદન પણ નોંધવામાં આવ્યું હતું જ્યાં આરોપીના પરિવારના સભ્યો પખવાડિયા પહેલા 2021 સુધી રોકાયા હતા. આફતાબે જૂનમાં વસઈના એવરશાઈન સિટીની વ્હાઇટ હિલ્સ સોસાયટીમાંથી પોતાના ઘરનો સામાન દિલ્હીના છતરપુરમાં શિફ્ટ કર્યો હતો. આ સંદર્ભે પોલીસે મહારાષ્ટ્રની એક પેકેજિંગ કંપનીના કર્મચારીનું નિવેદન પણ નોંધ્યું છે.