Video: નાસા સેંટર પર અમેરિકન રોકેટમાં ધમાકો
નવી દિલ્હી, 29 ઓક્ટોબર: અમેરિકાનું એક માનવરહિત રોકેટ એંટોરેસ લોંચ થયાના થોડી સેકંડ બાદ જ ધમાકા સાથે જ નષ્ટ થઇ ગયું છે. આ રોકેટને અમેરિકન અંતરિક્ષ એજંસી નાસાના વર્જીનિયા સ્થિત વૉલૉપ્સ ફ્લાઇસ ફૈસિલિટીથી લોંચ કરવામાં આવ્યું હતું. નાસાએ અકસ્માતમાં કોઇને નુકસાન પહોંચ્યું હોવાની મનાઇ કરી છે.
ઑર્બિટલ સાયન્સ કૉર્પોરેશનનું આ રોકેટ ચૌદ માળનું હતું અને આંતરરાષ્ટ્રીય અંતરિક્ષ સ્ટેશન પર રહેતા છ અંતરિક્ષ યાત્રીઓ માટે લગભગ 2200 કિલો સામગ્રી લઇ જવામાં આવી રહી હતી.
અકસ્માત બાદ એક ઉદ્ઘોષકે કહ્યું, '' પેડ જીરો એ પર આ અકસ્માત થયો છે. અમે ઓઆરબી 3 યાનને ગુમાવી દિધું છે. હવે અમે એંટોરેસ સીઆરએસ મિશનનો ઇમરજન્સી પ્લાન લાગૂ કરવા જઇ રહ્યાં છીએ. હવે એવું લાગું રહ્યું છે કે નુકસાન ફક્ત લોંચિંગ સાઇટ સુધી જ સીમિત છે.''
આ માનવરહિત રોકેટમાં ખરાબીના કારણોનું હજુ જાણ થઇ નથી. આ રોકેટને સોમવારે લોંચ કરવામાં આવ્યું હતું પરંતુ નજીકના સમુદ્રમાં એક હોડી આવી જતાં તેની લોચિંગ ટાળી દેવામાં આવી હતી.
<center><iframe width="100%" height="338" src="//www.youtube.com/embed/NCWunnJXdm0" frameborder="0" allowfullscreen></iframe></center>