તેલંગાનાઃ કેમિકલ ફેક્ટરીમાં લાગી ભીષણ આગ, બાજુમાં છે એરફોર્સ એકેડમી
તેલંગાનામાં 48 કલાકની અંદર આગ લાગવાની બીજી મોટી ઘટના સામે આવી છે.
નવી દિલ્લીઃ તેલંગાનામાં 48 કલાકની અંદર આગ લાગવાની બીજી મોટી ઘટના સામે આવી છે. શનિવારે રાતે ડંડીગલ વિસ્તારમાં સ્થિત એક કેમિકલ ફેક્ટરીમાં આગ લાગી ગઈ. આગ એટલી વિકરાણ હતી કે 8 ફાયર ટેન્ડરે મોરચો સંભાળવો પડ્યો. આ દૂર્ઘટનામાં કોઈ જાનમાલના નુકશાનના સમાચાર નથી. જો કે ફેક્ટરીને થોડુ નુકશાન જરૂર થયુ છે. જે જગ્યાએ આ ફેક્ટરી સ્થિત છે ત્યાંથી થોડી દૂર એરફોર્સ એકેડમી છે.
માહિતી મુજબ તેલંગાનાના મેડચલ-મલકાજગિરી જિલ્લાના ડંડીગલ વિસ્તારમાં એક કેમિકલ ફેક્ટરી છે. શનિવારે રાતે ફેક્ટરીની અંદરથી ધૂમાડો નીકળતો જોવામાં આવ્યો. થોડી વાર બાદ ત્યાં આગે વિકરાણ સ્વરૂપ ધારણ કરી લીધુ. ઉતાવળમાં ફાયર બ્રિગેડની ટીમને ઘટના સ્થળે બોલાવવામાં આવી ત્યારે સ્થિતિ કાબુમાં આવી. દૂર્ઘટનામાં કોઈના માર્યા જવાના સમાચાર નથી. હજુ સુધી આગ લાગવાના કારણો વિશે જાણી શકાયુ નથી. ઘટના સ્થળથી થોડી દૂર એરફોર્સ એકેડમી છે.
તમને જણાવી દઈએ કે ગુરુવારે મોડી રાતે શ્રીશૈલમ સ્થિત પાવર સ્ટેશનમાં આગ લાગી ગઈ હતી. અધિકારીઓના જણાવ્યા મુજબ આ આગ હાઈડ્રોઈલેક્ટ્રીક પ્લાન્ટના યુનિટ નંબર 4માં શૉર્ટ સર્કિટના કારણે લાગી હતી. ત્યારબાદ મદદ માટે એનડીઆરએફની ટીમને બોલાવવી પડી. આ દૂર્ઘટનામાં 9 લોકોના મોત થયા હતા જ્યારે 10થી વધુ લોકો ઘાયલ થયા હતા. શ્રીશૈલમ પાવર પ્લાન્ટ કૃષ્ણા નદી પર સ્થિત છે જે આંધ્ર અને તેલંગાનાને વિભાજિત કરે છે. આગ તેલંગાનાની તરફવાળા લેફ્ટ પાવર બેંકમાં લાગી હતી.
Click it and Unblock the Notifications
Sign in with Google
