વી સી શુક્લની હાલત ગંભીર પણ સ્થિર : ડોક્ટર્સ

ગુડગાંવ, 27 મે : છત્તીસગઢમાં ગયા શુક્રવારે કોંગ્રેસના કાફલા પર થયેલા નક્સલી હુમલામાં ઘાયલ થયેલા કોંગ્રેસના વરિષ્ઠ નેતા વિદ્યાચરણ શુક્લની હાલત સોમવારે ગંભીર છતાં પણ સ્થિર ગણાવવામાં આવી હતી. મેવાંતા હોસ્પિટલના અધ્યક્ષ ડૉક્ટર નરેશ ત્રેહાને જણાવ્યું કે 84 વર્ષીય શુક્લાની હાલત ગંભીર છે. તેમની ઉંમર વધારે હોવાથી તેમની હાલત સુધરવામાં થોડા વધારે સમય જશે.

ત્રેહાને જણાવ્યું કે તેમની હાલત ગંભીર પણ સ્થિર છે. તેઓને વેન્ટિલેટર પર રાખવામાં આવ્યા છે. તેમનો ડાયાલિસિસ પણ કરવામાં આવી રહ્યો છે. અમે તેમના શરીરમાંથી ઝેરી પદાર્થો બહાર કાઢવાની પ્રયત્ન કરી રહ્યા છીએ. તેઓને લાંબા સમય સુધી આઇસીયુમાં રાખવા પડશે. તેમની ઉંમર વધારે હોવાથી તેમનો ઇલાજ લાંબા સમય સુધી ચાલશે. તેમના આંતરડા ઘવાયા છે જેથી તેમના શરીરમાં ઝેરી તત્વો ફેલાઇ ગયા છે.

ત્રેહાને એમ પણ જણાવ્યું કે શુક્લાને ત્રણ ગોળીઓ વાગી છે. બે ગોળીઓ તેમની છાતીમાં વાગી છે અને એક ગોળી તેમના પેટમાં વાગી છે. તેમના શરીરમાં કેટલાક અંગોના ટુકડા પણ થઇ ગયા છે. આ કારણે અમે તેમના પર કેટલાક ઓપરેશન્સ પણ કર્યા છે. આવી સ્થિતિમાં હંમેશા કિડની પર દબાણ રહે છે.

English summary

VC Shukla in critical condition, but stable: Doctors