મોહમ્મ્દ શમીએ પત્નીના ફોટાની ટીપ્પણીઓ પર આપ્યો વળતો જવાબ

મોહમ્મ્દ શમી અને તેની પત્ની હસીન જહાનો ફોટો સોશિયલ મીડિયા પર વાયરલ થઇ રહ્યો છે. લોકોએ હસીનના ડ્રેસને લઇને વાંધો દર્શાવ્યો છે...

આજે ટીમ ઇંડિયાના સ્ટાર બોલરોમાંના એક મોહમ્મ્દ શમી પોતાના પર્સનલ કારણોને લીધે સોશિયલા મીડિયામાં છવાયેલા છે. જો કે કારણ બહુ બકવાસ છે.

ફેસબુક અને ટ્વીટર પર 23 ડિસેમ્બરે શેર કર્યો હતો ફોટો

વાસ્તવમાં 26 વર્ષના મોહમ્મદ શમીએ પોતાના પરિવારના કેટલાક ફોટા ફેસબુક અને ટ્વીટર પર 23 ડિસેમ્બરે શેર કર્યા હતા. ત્યારબાદ કેટલાક લોકોએ શમીની પત્ની હસીન જહાના ડ્રેસ પર અભદ્ર ટીપ્પણીઓ કરી હતી. જેના કારણે શમી સોશિયલ મીડિયા પર ટ્રોલ થવા લાગ્યા હતા.

કેટલાક ક્ટ્ટરપંથીઓને શમીની પત્નીનો પરિધાન ન ગમ્યો

કેટલાક કટ્ટરપંથીઓએ જબરદસ્તીથી હસીન જહાંના ડ્રેસને ધર્મ સાથે જોડીને સોશિયલ મીડિયા પર એક નવી ચર્ચા શરુ કરી દીધી હતી. જો કે શમીએ આનો એવો જવાબ આપ્યો છે કે હવે મિસીઝ શમીની ટીકા કરનારોને હવે ઓછામાં ઓછુ 100 વાર વિચારવુ પડશે. શમીએ આજે ટ્વીટ કરીને સવાલ પૂછનારાઓને કહ્યુ કે, 'જીવનમાં દરેકને આ મુકામ નથી મળતુ. અમુક નસીબદારને જ આવુ નસીબ મળે છે. બળતા રહો.'

મોહમ્મદ કૈફે કરી ટીકા

શમીની પહેલા પૂર્વ ક્રિકેટર મોહમ્મદ કૈફે પણ કોમેંટ કરનારાઓને આડે હાથ લીધા અને ટ્વીટ પર લખ્યુ કે આવી કોમેંટ ખરેખર શરમજનક છે. શમીને પૂરી રીતે સપોર્ટ કરો.

મહિલા આયોગ

રાષ્ટ્રીય મહિલા આયોગની પૂર્વ સભ્યએ પણ ડ્રેસ પર કોમેંટ કરનારાઓને આડે હાથ લીધા હતા. મહિલા સભ્યએ કહ્યુ હતુ કે હવે પુરુષો કહેશે કે કઇ મહિલા શું અને કેવી રીતે પહેરશે. શરમજનક છે આ બધુ.

કેમ ભડક્યા લોકો?

શમીની પત્નીએ ફોટામાં સ્લીવલેસ ડ્રેસ પહેર્યો છે, જેના પર લોકોએ હોબાળો કરી દીધો. કેટલાક કટ્ટરપંથી વિચારધારાવાળા લોકોએ સોશિયલ મીડિયા પર તેમને અલગ અલગ પ્રકારની સલાહ આપી દીધી.

શમીએ કર્યુ ટ્વીટ

શમીએ સોમવારે સવારે બે ટ્વીટ કર્યા. આ બંને મારી જિંદગી અને મારી લાઇફ પાર્ટનર છે. હું બહુ સારી રીતે જાણુ છુ કે શું કરવાનું છે અને શું નહિ. દરેકે પોતાની અંદર ઝાંકવુ જોઇએ કે આપણે કેટલા સારા છીએ.

English summary

India's strike bowler Mohammed Shami came under sharp criticism of Muslim fanatics for posting his wife Hasin Jahan's pictures on social media.