'ટેસ્ટ ક્રિકેટને ખતમ કરી નાખશે આઇપીએલ'
વેસ્ટઇન્ડિઝ માટે 102 ટેસ્ટ મેચોમાં 5,762 રન બનાવનાર હૂપરનું કહેવું છે કે, મારું માનવું છે કે ટેસ્ટ ક્રિકેટ જ અસલી ક્રિકેટ છે, જેમાં ખેલાડીઓની ક્ષમતાની સાચી કસોટી થાય છે. તેમણે કહ્યું કે, ટેસ્ટ ક્રિકેટમાં વેસ્ટઇન્ડિઝ છેલ્લા ઘણા સમયથી કોઇ મોટી સફળતાં નોંધાવી શકી નથી, કારણ કે, ટીમના મોટા ખેલાડી વધુ પૈસા આપતી લીગમાં રમવા ઇચ્છે છે અને ખેલાડીઓ તથા બોર્ડ વચ્ચે ચાલી રહેલી અણબનથી ક્રિકેટને નુક્સન થઇ રહ્યું છે. હૂપરે કહ્યું છે કે આઇપીએલમાં લોકો કીરોન પોલાર્ડ, ક્રિસ ગેલ અને ડ્રેવન બ્રેવોને રમતો જોવા ઇચ્છે છે. તેથી આ ખેલાડીઓને લીગમાં સારા પૈસા મળે છે. આ લીગ ખેલાડીઓનું ઘ્યાન ભટકાવે છે.
હૂપરનું કહેવું છે કે, એખ સમયે વેસ્ટઇન્ડિઝ ટીમ વિશ્વની સૌથી ખતરનાક ટીમ ગણાતી હતી, પરંતુ બોર્ડ સાથે વિવાદના કારણે ખેલાડીઓ ટીમથી અલગ થઇ ગયા અને જ્યારે તમારી ટીમમાંથી સારા ખેલાડીઓ અલગ થઇ જશે તો પછી તમે અન્ય ટીમોનો સામનો કેવી રીતે કરી શકશો, જો કે, હવે વિવાદ ઉકેલાઇ જતા કંઇક સારું થવાની આશા કરી શકાય ચે. પરંતુ વિવાદ ના ઉકેલાયો હોત તો ટીમ પોતાના રસ્તેથી ભટકી ગઇ હોત. વિવાદોના કારણે ટીમ છેલ્લા ત્રણ દશકામાં કોઇ મોટી સફળતાં હાંસલ કરી શકી નથી.