T-20 વર્લ્ડ કપ: આજે ભારત અને અફઘાનિસ્તાન ટકરાશે

By Kumar Dushyant

Updated: Monday, February 16, 2015, 14:46 [IST]

કોલંબો, 19 સપ્ટેમ્બર: પૂર્વ ચેમ્પિયન ભારત T-20 વર્લ્ડ કપના ચોથા ચરણમાં પોતાના અભિયાનની શરૂઆત અફઘાનિસ્તાનની સાથે બુધવારથી શરૂ થનારા મુકાબલાથી કરશે. અનુભવના આધારે આ ટીમો વચ્ચે કોઇ તુલના કરી શકાય નહી પરંતુ એક રીતે આ મેચ ભારતને રાહત પુરી પાડશે. કારણે ક પાકિસ્તાન વિરૂદ્ધ રમાયેલા અભ્યાસ મેચમાં ભારતના બોલરોએ ખૂબ પ્રદર્શન કર્યું હતું અને આ મેચ દરમિયાન ભારતીય બોલરોને લય મેળવાની તક મળશે.

ભારતીય ટીમ આ મેચ મોટા અંતરથી જીતીને જોરદાર આગાઝ કરશે પરંતુ T-20 ક્રિકેટનું માળખુ જોતાં ભારતે અફઘાનિસ્તાનની ટીમથી સાવધાન રહેવાની જરૂર છે. કારણ કે T-20 ક્રિકેટ મેચમાં એક ખેલાડી ત્રણ-ચાર ઓવરમાં મેચનું પાસુ પલટી શકે છે.

ભારતીય ટીમમાં પરિવર્તનના અણસાર ખૂબ ઓછા જોવા મળે છે જ્યારે અફઘાનિસ્તાનની ટીમે સીમર અને સ્ટ્રાઇક બોલર હામિદ હસન વિના આ મેચમાં રમવું પડશે. હામિદ ઇજાગ્રસ્ત હોવાને કારણે અભ્યાસ મેચમાં પણ રમી શક્યો ન હતો.

આજના દિવસના પ્રથમ મેચમાં ઓસ્ટ્રેલિયા અને આર્યલેન્ડ ટકરાશે. આ મેચ ઘણી રોમાંચક બની શકે છે કારણ કે તાજેતરમાં ઓસ્ટ્રેલિયાના ખરાબ પ્રદર્શનના કારણે આઇસીસી રેકિંગમાં આર્યલેન્ડથી પણ નીચે સરકી ગઇ હતી.