અંબાણીને પછાડીને ગૌતમ અદાણી બન્યા એશિયાના સૌથી ધનિક વ્યક્તિ, જાણો કેટલી સંપત્તિના છે માલિક

દિગ્ગજ ભારતીય ઉદ્યોગપતિ અને અદાણી સમૂહના સંસ્થાપક ગૌતમ અદાણી એશિયાના સૌથી અમીર વ્યક્તિ બની ગયા છે. જાણો કેટલી સંપત્તિના માલિક છે ગૌતમ અદાણી.

નવી દિલ્લીઃ દિગ્ગજ ભારતીય ઉદ્યોગપતિ અને અદાણી સમૂહના સંસ્થાપક ગૌતમ અદાણી એશિયાના સૌથી અમીર વ્યક્તિ બની ગયા છે. રિલાયન્સ ઈન્ડસ્ટ્રીઝ લિમિટેડના માલિક મુકેશ અંબાણીનો પછાડીને તેમણે આ બુલંદી મેળવી છે. શેર બજારમાં શાનદાર તેજીના કારણે અદાણી ગ્રુપની બજાર મૂડી રિલાયન્સથી વધુ થઈ ગઈ છે. ગ્રુપ માર્કેટ કેપના આધારે અદાણી દેશ અને એશિયાના સૌથી અમીર વ્યક્તિ બની ગયા. અદાણીની અહીં સુધીની યાત્રા ખૂબ જ રોમાંચક રહી છે.

ગૌતમ અદાણી કમાણી મામલે દુનિયામાં ત્રીજા નંબરે

ગૌતમ અદાણીની સંપત્તિ છેલ્લા એક વર્ષમાં 1002 કરોડ રૂપિયા પ્રતિ દિનના હિસાબે 3,65,700 કરોડ રૂપિયા વધી ગઈ છે. આ વર્ષે અત્યાર સુધી કમાણી બાબતે ભારતીય અબજોપતિઓમાં અદાણી ગ્રુપના ચેરમેને, ગૌતમ અદાણી હવે ત્રીજા નંબરે પહોંચી ગયા છે. તેમણે એશિયાના સૌથી મોટા મુકેશ અંબાણી સહિત દુનિયાના મોટા અમીરોને પણ પાછળ છોડી દીધા છે. આ વર્ષે અદાણીની સંપત્તિમાં 52 અબજ ડૉલરનો વધારો થયો છે. અદાણીથી આગળ માત્ર એલન મસ્ક, બર્નાર્ડ આર્નાલ્ટ રહ્યા. અદાણી માર્ક ઝુકરબર્ગ, જેફ બેજોસ, સ્ટીવ વૉલ્મર, લેરી એલિશન, વૉરેન બફેટ જેવા ટૉપ-10 અબજપતિઓને પાછળ છોડી દીધા.

અદાણીની કુલ સંપત્તિ 8020 કરોડ અમેરિકી ડૉલર

જો ગૌતમ અદાણીની સંપત્તિની વાત કરીએ તો 1 વર્ષમાં ગૌતમ અદાણીની સંપત્તિ 261 ટકા વધીને 5,05,900 કરોડ થઈ ગઈ છે. ફૉર્બ્ઝના જણાવ્યા મુજબ અદાણીની કુલ સંપત્તિ 8020 કરોડ અમેરિકી ડૉલર છે. હુરુન ઈન્ડિયા રિચ લિસ્ટ 2021માં પણ ગૌતમ અદાણીએ દેશના અમીરોની સૂચીમાં બે સ્ટેપની છલાંગ લગાવી છે. આજની સંપત્તિના ઉછાળા બાદ તેઓ દેશના સૌથી અમીર વ્યક્તિ બની ગયા છે. અદાણી એશિયાના બીજા સૌથી અમીર બિઝનેસમેન બન્યા છે.

ગૌતમ અદાણીના ભાઈ એશિયાના આઠમાં સૌથી અમીર વ્યક્તિ

ગૌતમ અદાણી અને દુબઈમાં રહેતા તેમના ભાઈ વિનોદ અદાણી બંને વેલ્થ હુરુન ઈન્ડિયા રિચ લિસ્ટમાં એક સાથે ટૉપ 10માં આવ્યા હતા. તેમના ભાઈ એશિયામાં 8માં નંબરના સૌથી અમીર બિઝનેસમેન છે. તેઓ પહેલા 12માં નંબરે હતા. રિપોર્ટ મુજબ વિનોદ અદાણીની સંપત્તિ 1.31 લાખ કરોડ રૂપિયા છે. એક વર્ષમાં તેમની સંપત્તિમાં 21%નો વધારો થયો. પરિવારની સંપત્તિ એક વર્ષમાં 67% વધી છે. તેમની સંપત્તિ 2.36 લાખ કરોડ રૂપિયા છે.

અમદાવાદની ચાલીમાં જન્મ્યા હતા ગૌતમ અદાણી

છેલ્લા 20 મહિનાથી ગૌતમ અદાણીની કુલ સંપત્તિમાં 1808 ટકા એટલે કે 83.89 બિલિયન અમેરિકી ડૉલરથી વધુની વૃદ્ધિ જોવા મળી. આ સમયમાં મુકેશ અંબાણીની કુલ સંપત્તિમાં 250 ટકા એટલે કે 54.7 અબજ ડૉલરનો વધારો થયો. અદાણીનો વેપાર માઈન્સ, પોર્ટસ, પાવર પ્લાન્ટ, એરપૉર્ટસ, ડેટા સેન્ટર્સ અને ડિફેન્સ સેક્ટર સુધી ફેલાયો છે. ગુજરાતના અમદાવાદમાં 24 જૂન 1962ના રોજ ગૌતમ અદાણીનો જન્મ થયો હતો. અદાણીના છ ભાઈ-બહેન હતા. અદાણીનો પરિવાર અમદાવાદના પોળ વિસ્તારની એક ચાલમાં રહેતો હતો.

પ્લાસ્ટિકે બદલ્યુ નસીબ

બીકૉમનો અભ્યાસ છોડીને મુંબઈ પહોંચેલા ગૌતમ અદાણીના સપના મોટા હતા. વેપારી દિમાગવાળા ગૌતમે સૌથી પહેલા પોતાના હાથ ડાયમંડ સૉર્ટરમાં અજમાવ્યા. ત્યારબાદ ગૌતમે ડાયમંડ બ્રોકરેજ ફર્મ શરૂ કરી દીધી. મુંબઈમાં થોડા વર્ષ પસાર કર્યા બાદ તે પોતાના ભાઈની પ્લાસ્ટિકની ફેક્ટરીમાં કામ કરવા માટે પાછા અમદાવાદમાં આવી ગયા. અહીં ગૌતમે પીવીસીનુ ઈમ્પોર્ટ શરુ કરવાનો નિર્ણય કર્યો. પીવીસી ઈમ્પૉર્ટમાં ગ્રોથ થતો રહ્યો અને 1988માં અદાણી ગ્રુપ પાવન અને એગ્રી કૉમોડિટીમાં અધિકૃત રીતે સ્થાપિત થઈ ગયા.

1991માં થયેલા આર્થિક સુધારાએ ઘણા નવા રસ્તાઓ ખોલી દીધા

1991માં થયેલા આર્થિક સુધારાએ અદાણીના ઘણા નવા રસ્તા ખોલી દીધા. તેમની કંપનીને મુંદ્રા પૉર્ટના સંચાલનનો કૉન્ટ્રાક્ટ મળ્યો. ગૌતમ અદાણીએ પોતાનો બિઝનેસ ડાયવર્સિફિકેશન ચાલુ રાખ્યુ અને 1996માં અદાણી પાવર લિમિટેડ અસ્તિત્વમાં આવ્યુ. અદાણી ગ્રુપે બે વર્ષોથી પણ ઓછા સમયમાં દેશના સાત એરપૉર્ટનુ મેનેજમેન્ટ સંભાળ્યુ. આ સાથે કંપનીનુ ભારતના લગભગ એક તૃતીયાંશ એરપૉર્ટ પર નિયંત્રણ થઈ ગયુ છે.

English summary

Asias richest man Gautam Adani total net worth