આગામી બે ત્રણ મહિનામાં નવા આર્થિક સુધારા શરૂ કરાશે : ચિદમ્બરમ

નવી દિલ્હી, 24 એપ્રલ : યુપીએ સરકારના બીજા કાર્યકાળમાં આર્થિક સુધારણાના કાર્યક્રમો વધારવાની પ્રતિબદ્ધતા વ્યક્ત કરતા દેશના નાણા મંત્રી પી ચિદમ્બરમે જણાવ્યું છે કે સરકાર આગામી બે ચાર મહિનામાં નવા આર્થિક સુધારાઓ અંગે પહેલ કરશે. આ સાથે તેમણે સંસદમાં મહત્વપૂર્ણ ખરડઓને આગળ વધારવા માટે મુખ્ય વિપક્ષી દળોના સહયોગની માંગ પણ કરી હતી.

તેમણે આગામી સમયમાં વહેલી લોકસભા ચૂંટણીઓની સંભાવના અગે જણાવ્યું કે ચૂંટણીઓ વહેલી નહીં યોજાય. સરકાર આગામી 13 મહિના સુધી ચાલુ રહેશે. આ કારણે તે નાની પણ મહત્વની પહેલ કરશે. જે કારણે દેશને 8 ટકાનો વૃદ્ધિદર પ્રાપ્ત થાય તેવા પ્રયત્નો થશે.

ચિદમ્બરમે જણાવ્યું કે આર્થિક સુધારા માટે અનેક બાબતો કરવાની જરૂર છે. જેમાં મહત્વના ખરડાઓ પસાર કરવાના છે. મહત્વના નિર્ણયો લઇને તેને અમલી બનાવવાના છે. તેમાંથી કેટલાક કાર્યકારી છે જેને અમલમાં મૂકતા બે ચાર મહિનાનો સમય લાગશે. તેમણે જણાવ્યું કે અમે કેટલીક મોટી પહેલોને આગળ વધારીશું. જેના કારણે ભારતના અર્થતંત્રમાં સુધારો આવશે.

English summary

Economy Improvement initiative in the next two to four months : Chidambaram.