એક્સાઇઝ ડ્યુટી વધતા પેટ્રોલ ડીઝલ મોંઘું બન્યું

નવી દિલ્હી, 13 નવેમ્બર : આંતરરાષ્ટ્રીય તેલ બજારમાં તેલની કિંમતો ઘટવા છતાં ભારતમાં પેટ્રોલ અને ડીઝલ મોંઘુ બન્યું છે. આ કારણે ઇંધણની કિંમતોમાં ઘટાડાની આશા લગાવીને બેઠેલા લોકોને મોટો આંચકો લાગ્યો છે. સરકારે પેટ્રોલ ડીઝલની એક્સાઇઝ ડ્યુટીમાં વધારો કરતા તેની કિંમતોમાં રૂપિયા 1.5નો વધારો નોંધાયો છે.

આ અંગે આજે નાણા મંત્રાલય દ્વારા જારી કરવામાં આવેલા જાહેરનામા મુજબ સામાન્ય પેટ્રોલ પરની એક્સાઈઝ લીટરદીઠ 1.20 રૂપિયાથી વધારીને 2.70 રૂપિયા કરવામાં આવી છે.

પ્રીમિયમ અથવા તો બ્રાન્ડેડ પેટ્રોલ પરની એક્સાઈઝ ડ્યૂટી લીટરદીઠ 2.35 રૂપિયાથી વધારીને 3.85 રૂપિયા કરવામાં આવી છે. આવી જ રીતે સામાન્ય ડીઝલ પરની એક્સાઈઝ લીટરદીઠ 1.46 રૂપિયાથી વધારીને 2.96 રૂપિયા કરવામાં આવી છે જ્યારે બ્રાન્ડેડ ડીઝલ પરની એક્સાઈઝ 3.75 પ્રતિ લિટરથી વધારીને 5.25 રૂપિયા પ્રતિલિટર કરવામાં આવી છે.

આ કારણે તાજેતરમાં થયેલો કિંમતમાં ઘટાડો ધોવાયો છે. આજથી વાહન ચાલકોએ વધારે કિંમત ચૂકવવી પડશે.

English summary

Excise duty increase on petrol and diesel.