બજેટ 2013: ભારતમાં ખોલાશે સૌપ્રથમ મહિલા બેન્ક
તેમણે કહ્યું, ' જાહેર સાહસમાં ભારતની સૌપ્રથમ મહિલા બેન્ક ખોલવા માટેની ઘોષણા હું કરું છું. જેના માટે 1000 કરોડ રૂપિયાની ફાળવણી કરવામાં આવે છે. આશા છે કે આ બેન્ક ચાલુ વર્ષ 2013ના ઓક્ટોબર મહિના સુધીમાં શરૂ થઇ જશે.'
નોંધનીય છે કે, દિલ્હી ગેંગરેપ જેવા ભયજનક કાંડને ધ્યાનમાં રાખીને નાણામંત્રી પી ચિદમ્બરમે મહિલાઓની સુરક્ષા માટે 1000 કરોડ રૂપિયાનો પ્રસ્તાવ પાસ કર્યો છે. લોકસભામાં પોતાના બજેટ ભાષણ દરમિયાન પી ચિદમ્બરમે કહ્યું, 'હું મહિલાઓની સુરક્ષાનું વચન આપું છું.' તેમણે કહ્યું કે મહિલાઓની સુરક્ષા માટે જે ફંડનું નિર્માણ કરવામાં આવ્યું છે, તેનું નામ 'નિર્ભયા ફંડ' રહેશે. નોંધનીય છે કે દિલ્હી ગેંગરેપ પીડિતાને દેશ નિર્ભયા( કાલ્પનિક નામ) નામ આપ્યું હતું. પોતાના ભાષણમાં નાણામંત્રી પી ચિદમ્બરમે કહ્યું કે, હું ત્રણ મુખ્ય ચહેરાઓ પર ધ્યાન કેન્દ્રિત કરવા માંગીશ. પહેલો મહિલાઓનો( ખેલાડી, બાળકો, માં, બહેન વિગેરે), બીજો યુવા(આપાણી આકાંક્ષાનો ચહેરો) અને ત્રીજો ગરીબ( જે સરકાર તરફ જૂએ છે મદદ માટે).
ઉલ્લેખનીય છે કે ચિદમ્બરમ દેશ માટે આઠમીવાર સામાન્ય બજેટ રજૂ કરી રહ્યાં છે. તેમણે કહ્યું કે, અમે પહેલાં કર્યું છે અને અમે આવું ફરીથી કરી શકીએ છીએ. અંતિમ પરિણામ જે પણ હોય, વિકાસ આશાઓથી ઓછો છે, પરંતુ તેને લઇને નિરશ થવાની જરૂર નથી.
Click it and Unblock the Notifications
Sign in with Google
