સસ્તા થશે પેટ્રોલ અને ડીઝલ? સરકાર કરી રહી છે પ્રયત્નો

હાલ દેશના દરેક રાજ્યમાં પેટ્રોલ અને ડીઝલના ભાવ અલગ અલગ છે. પરંતુ જલ્દી જ સમગ્ર દેશમાં પેટ્રોલ અને ડીઝલના ભાવ એક સમાન થઇ જશે. આ અંગે વધુ વાંચો અહીં...

વર્તમાન સ્થિતિમાં દરેક રાજ્યમાં પેટ્રોલ-ડીઝલની કિંમતો અલગ-અલગ છે, પરંતુ જલ્દી જ દરેક જગ્યાએ પેટ્રોલ-ડીઝલનો એક જ ભાવ થાય એવું બને. સરકાર તરફથી આ દિશામાં મહત્વપૂર્ણ પગલું લેવામાં આવશે. દરેક રાજ્ય નેચરલ ગેસ પર વેલ્યુ એડેડ ટેક્સ 5 ટકા રાખવાનો તથા મેન્યુફેક્ચરિંગ સેક્ટરમાં ઇનપુટ તરીકે ઉપયોગમાં લેવાતા ડીઝલ-પેટ્રોલ જેવા અન્ય ઇંધણો પર વેટનો દર ઓછો કરવા માટે માની ગયા છે.

સસ્તા થશે ડીઝલ-પેટ્રોલ

એકવાર રાજ્યમાં આ અંગે રૂપરેખા તૈયાર થયા બાદ, જીએસટી કાઉન્સિલ આ સ્કિમ પર વિચાર કરશે. એક વરિષ્ઠ સરકારી અધિકારીએ જણાવ્યું કે, આ અંગે કાઉન્સિલ જ અંતિમ નિર્ણય લેશે. આ અંગે અધિકૃત રીતે કેન્દ્ર અને રાજ્યો વચ્ચે ચર્ચા થઇ છે. જો પેટ્રોલિયમ પ્રોડક્ટ પર આખા દેશમાં એક સમાન કરને મંજૂરી મળે, તો એ રાજ્યોમાં પેટ્રોલ-ડીઝલની કિંમત ઓછી થશે, જ્યાં વધુ વેટ વસૂલવામાં આવી રહ્યો છે.

રાજ્યો લેશે નિર્ણય

જીએસટી લાગુ કરતાં પહેલા જ કેન્દ્ર પેટ્રોલિયમ પ્રોડક્ટ્સને જીએસટીની શ્રેણીમાં લાવવા માંગતું હતું, પરંતુ પેટ્રોલિયમ પ્રોડક્ટ્સથી જ રાજ્યોને સૌથી વધુ આવક મળે છે, આથી રાજ્યોએ કેન્દ્ર સરકારના આ નિર્ણયનો વિરોધ કર્યો હતો. હવે રાજ્યોએ જ આ અંગે એક રૂપરેખા તૈયાર કરી જીએસટી કાઉન્સિલને આપવાની છે, જેની પર આખરી નિર્ણય કાઉન્સિલનો હશે.

પેટ્રોલિયમ મંત્રીની ઇચ્છા

પેટ્રોલિયમ મંત્રી ધરમેન્દ્ર પ્રધાન પણ બુધવારે કહ્યું હતું કે, તેમણે પેટ્રોલિયમ પ્રોડક્ટ્સને જીએસટીની શ્રેણીમાં લાવવાની વકાલત કરી હતી. જીએસટી કાઉન્સિલે આ અંગે વિચાર કરવો જોઇએ. આ સર્વે પરથી લાગે છે કે, જો બધું બરાબર પાર પડ્યું તો જલ્દી જ સમગ્ર દેશમાં પેટ્રોલિયમ પ્રોડક્ટ્સની કિંમત એક સમાન થઇ જશે.

English summary

Uniform tax on petroleum products may not remain a pipe dream.