વેતન વધારા મુદ્દે ગુજરાતના કર્મચારીઓ સામૂહિક રજા પર ઉતરશે

અમદાવાદ, 18 સપ્ટેમ્બર : રાજ્યમાં આવી રહેલી વિધાનસભા ચૂંટણીને ધ્યાનમાં રાખીને મુખ્યમંત્રી નરેન્દ્ર મોદીએ ચૂંટણી પ્રચાર માટે સભાઓ ગજવવાનું શરૂ કરી દીધું છે. આ સાથે ટોચના અધિકારીઓ સાથે ડિનર ડિપ્લોમસી શરૂ કરી છે. બીજી તરફ આવનારી ચૂંટણીઓને ધ્યાનમાં રાખીને રાજ્યના સરકારી કર્મચારીઓ વેતન વધારા મુદ્દે 27 સપ્ટેમ્બર, 2012ના રોજ સામૂહિક રજા એટલે કે હડતાલ પર ઉતરવાનું આયોજન કરી રહ્યા છે.

હડતાલમાં ડેપ્યુટી કલેક્ટર અને તેમની નીચેની કક્ષાના કર્મચારીઓ, શિક્ષકો, ડૉક્ટર્સ, યુનિવર્સિટીના કર્મચારીઓ, ન્યાયતંત્ર સાથે સંકળાયેલા કર્મચારીઓ, સચિવાલય, પંચાયત, વહાવટી સંસ્થાઓ, વિવિધ બોર્ડ અને કોર્પોરેશનના 8.5 લાખ કર્મચારીઓ ઉપરાંત 1.75 લાખ વિદ્યાસહાકો અને લોક રક્ષકો જોડાશે.

ચૂંટણીના સમયમાં કર્મચારીઓને મનાવવાની પ્રક્રિયા શરૂ કરી દેવામાં આવી છે. જેના ભાગરૂપે કર્મચારી મહામંડળના વિષ્ણુભાઇ પટેલ સાથે વાતચીતનો દોર શરૂ કરી દેવામાં આવ્યો છે. કર્મચારીઓની મુખ્ય માંગણી અન્ય રાજ્યોની જેમ છઠ્ઠા પગારપંચના સૂચનોને સ્વીકાર કરી અમલમાં મૂકવાની છે. આ માગણીને સ્વીકરવામાં આવે તો સરકાર પર રૂપિયા 600 કરોડનો બોજો પડી શકે છે.

English summary

Gujarat governments staffers planning to take mass casual leave on 27 Septmber, 2012 seeking wage hikes.