કેગ ખાલી 'મુનીમજી' નથી, તે સરકારના ખર્ચા પર અભિપ્રાય આપી શકેઃ સુપ્રિમ

નવીદિલ્હી, 01 ઑક્ટોબરઃ કેગ દ્વારા કરવામા આવેલા કોલસા ખાણ હરાજી અંગેના અહેવાલને પડકારતી યાચીકા સુપ્રિમ કોર્ટ દ્વારા ખારિજ કરવામાં આવી છે, તેમજ કહેવામાં આવ્યું છે કે કેગ 'મુનીમ' નથી. ન્યાયધીશ આર એમ લોઢા અને એ આર દવેની બેન્ચે કહ્યું છે કે કેગ એક બંધારણીય સંસ્થા છે. જેનું કામ કેન્દ્ર, રાજ્યો અને યુનિયન ટેરેટરીઝના રેવન્યુને લગતા કામોનું ઓડિટ કરવાનું છે.

બેન્ચે વકીલ સંતોષ પૌલને કહ્યું હતું, " કેગ કોઇ મુનીમ(એકાઉન્ટન્ટ) નથી કે, તે માત્ર નાણાની આવક-જાવકનો હિસાબ રાખે. તેની પાસે બંધારણીય સત્તા છે કે તે રેવન્યુ ફાળવણી અને અર્થતંત્ર સંબંધિત બાબતોની ચકાસણી કરી શકે છે અને અભિપ્રાય આપી શકે છે."

તેમણે વધુમાં કહ્યું કે એ સંસદ પર જાય છે કે તેમણે કેગ દ્વારા જે બાબતો શોધવામાં આવી છે તે અંગે વિચારવું, સ્વિકારવું કે તેની અવગણના કરવી. નોંધનીય છે કે, કેગ દ્વારા જાહેર કરવામાં આવેલા કોલસા ફાળવણી અંગેના અહેવાલના કારણે કેન્દ્રની યુપીએ સરકારની ઉંઘ હરામ થઇ ગઇ છે. કેગના અહેવાલમાં એવું બહાર આવ્યું હતું કે આ કોલસા ફાળવણીથી દેશને હજારો કરોડનું નુક્સાન થયું છે.

English summary

the Supreme Court on Monday dismissed a plea challenging the CAGs power to conduct performance audit of controversial allocation of coal blocks.