મહિલા પત્રકારને સેક્સી કોમેન્ટ કરી ફસાયા કેન્દ્રીય મંત્રી

નવી દિલ્હી, 14 ફેબ્રુઆરી: કેન્દ્રીય મંત્રી વ્યાલાર રવિના એક નિવેદન બાદ કેરલમાં ત્યારે ભારે હોબાળો મચી ગયો જ્યારે તેમણે મહિલા રિપોર્ટર સામે અપશબ્દોનો ઉપયોગ કર્યો. તેમની ટિપ્પણીના કારણે મહિલા રિપોર્ટર ભડકી ગઇ અને તેમણે મંત્રીની સામે વિરોધ પ્રદર્શન શરૂ કરી દીધો.

આ મહિલા રિપોર્ટરે તેમને વર્ષ 1996ના સૂર્યાનેલ્લી ગેંગરેપ કેસમાં રાજ્યસભાના ઉપ સભાપતિ પી.જે કુરિયનની કથિત ભૂમિકા અંગે પૂછ્યું હતું. આની પર તેમણે મહિલા રિપોર્ટરને એવું પૂછી નાખ્યું કે 'શું આપની અને કુરિયનની વચ્ચે કઇ થયું હતું?' મંત્રીજી કેમેરાની સામે ચોખ્ખુ કહેતા દેખાયા છે કે 'હું દાવા સાથે કહું છું કે આપની અને કુરિયનની વચ્ચે ચોક્કસ કઇ સંબંધ રહ્યો હશે.'

આટલું સાંભળીને જ મહિલા પત્રકાર ગુસ્સાથી લાલચોળ થઇ ગઇ. ત્યારબાદ અન્ય મહિલા પત્રકાર પણ તેના સમર્થનમાં આવી ગઇ અને તેણે વિરોધ પ્રદર્શન શરૂ કરી દીધું. જોકે મંત્રીજીની આવી ટિપ્પણીના પગલે થયેલા ભારે વિવાદ અને વિરોધના પગલે મંત્રીજીએ મહિલા રિપોર્ટરની માફી માંગી લીધી હતી.

English summary

central minister gave controversial statement to female reporter in kerala.