મોદી ઉપડ્યા મોસ્કો, રોકાણ બેગણુ કરવા મામલે થશે કરાર
વડાપ્રધાન નરેન્દ્ર મોદી ફરી એક વાર ઉપડી ગયા છે વિદેશ પ્રવાસ પર. આ વખતે તે ફરી એક વાર રશિયાના પ્રવાસે છે. બુધવારથી શરૂ થનારી તેમની આ દિવસીય યાત્રા દરમિયાન તે રક્ષા સોદા પર ખાસ ભાર મૂકશે. સાથે જ યૂરેશિયા આર્થિક ક્ષેત્રને લઇને મુક્ત વેપારના કરાર પર પણ રશિયાના રાષ્ટ્રપતિ બ્લાદિમીર પુટિનનો સાથે કરાર કરશે.
વિદેશ સચિવ એસ. જયશંકરે આ પ્રવાસ વિષે જણાવતા કહ્યું કે મોદી ભારત અને રુસ વચ્ચે યોજનારા વાર્ષિક સહયોગ સંમેલનમાં ભાગ લેશે. આ યાત્રા દરમિયાન પરમાણુ ઊર્જા, હાઇડ્રોકાર્બન, રક્ષા અને વેપાર સમેત અનેક મુદ્દા પર કરાર થશે. સાથે જ ભારત યૂરેશિયા આર્થિક ક્ષેત્રમાં એકી સાથે એફટીએ બનાવવા મુદ્દે પણ ચર્ચા કરશે.
સાથે જ મોદીના રુસ પ્રવાસ પહેલા પીએમની અધ્યક્ષતામાં સુરક્ષા મુદ્દા પર એક કમેટીની બેઠક પણ થઇ હતી. જેમાં ભારત અને રુસના સંયુક્ત રૂપ 200 કામોવ- 226ટી હેલિકોપ્ટર નિર્માણની પણ મંજૂરી આપી હતી. નોંધનીય છે આનાથી મેક ઇન ઇન્ડિયા કાર્યક્રમને પણ તેજી મળશે. આ પ્રવાસ દરમિયાન ભારતને રુસી એસ-400 ટ્રમ્ફ એયર મિસાઇસ્લ ખરીદવાની પ્રણાલી મેળશે.જેની કિંમત 40 હજાર કરોડ રૂપિયા છે.
નોંધનીય છે કે આ વિદેશ પ્રવાસ દરમિયાન દ્રિપક્ષીય વેપાર વધે અને રોકાણ વધે તે પર પણ મોદી અને પુટિન વચ્ચે વાર્તાલાપ થશે. સાથે જ નવો રોકાણ કરાર પણ બન્ને દેશો વચ્ચે થશે જેમાંથી બન્ને દેશો વચ્ચે 15-15 અરબ ડોલરનું રોકાણ થશે.