રહાણે-ધવન ચમક્યાઃ જાણો કઇ છે ભારતની બેસ્ટ ઓપનિંગ ભાગીદારી

Published: Wednesday, September 3, 2014, 16:29 [IST]

ભારતે ઇંગ્લેન્ડની ધરતી પર 24 વર્ષ બાદ શ્રેણી વિજય નોંધાવ્યો છે. આ પહેલા 1990માં મોહમ્મદ અઝહરુદ્દીનના નેતૃત્વ હેઠળ ભારતે 2-0થી શ્રેણી જીતી હતી. આજે ધોનીના નેતૃત્વ હેઠળ ભારતે 3-0થી શ્રેણી જીતીને સાબિત કરી દીધું છેકે વનડે ક્રિકેટમાં ભારત બાદશાહ છે. આ સાથે જ મહેન્દ્ર સિંહ ધોનીએ પણ એક રેકોર્ડ પોતાના નામે કરી લીધો છે, તે 91 વનડે મેચોમાં વિજય સાથે ભારતનો સૌથી સફળ સુકાની બની ગયો છે.

બર્મિંઘમ ખાતે રમાયેલી મેચમાં બોલર્સના શ્રેષ્ઠ પ્રદર્શન બાદ જો કોઇ બાબત સૌથી મહત્વપૂર્ણ સાબિત થઇ હોય તો એ છે અજિંક્ય રહાણે અને શિખર ધવનની 183 રનની ભાગીદારી. આ જોડીએ ફરી એકવાર સાબિત કરી દીધું છેકે મેચ જીતવા માટે ઓપનિંગ જોડીએ સારી ભાગીદારી નોંધાવવી જરૂરી છે. ભાગીદારીની વાત કરવામાં આવે તો, ભારતના વનડે ક્રિકેટ ઇતિહાસમાં સચિન તેડુંલકર અને સૌરવ ગાંગુલીની જોડી જેવી જોડી હજુ સુધી બની નથી. આ બન્ને જોડીએ અનેક વખત 100 કરતા વધારે રનની ભાગીદારી નોંધાવી છે. તો ચાલો તસવીરો થકી ભારતની ટોપ 10 સૌથી દમદાર ભાગીદારી પર નજર ફેરવીએ.
આ પણ વાંચોઃ- તમે જ નક્કી કરોઃ કોણ શ્રેષ્ઠ સુકાની, ધોની કે ગાંગુલી?
આ પણ વાંચોઃ- ચોથી વનડેઃ ભારત સામે 207 રનનો લક્ષ્યાંક
આ પણ વાંચોઃ- વનડે સ્પેશિઅલિસ્ટ ક્લબમાં સુરેશ રૈનાની એન્ટ્રી

2001માં સચિન-સૌરવની જોડી

સચિન તેંડુલકર અને સૌરવ ગાંગુલીએ 2001માં કેન્યા સામે ઐતિહાસિક ભાગીદારી નોંધાવી હતી. આ બન્ને ખેલાડીઓએ પહેલી વિકેટ માટે 258 રનની ભાગીદારી નોંધાવી છે, જેને આજ સુધી ભારતની એકપણ ઓપનિંગ જોડી તોડી શકી નથી.

2009માં ગંભીર-સેહવાગની જોડી

2009માં ન્યુઝીલન્ડ સામે ગૌતમ ગંભીર અને વિરેન્દ્ર સેહવાગની જોડીએ પહેલી વિકેટ માટે અણનમ 201 રનની ભાગીદારી નોંધાવી હતી.

2001માં દક્ષિણ આફ્રિકા સામે સચિન-ગાંગુલીની જોડી

સચિન તેંડુલકર અને સૌરવ ગાંગુલીની જોડીને ભારતની સૌથી સફળ જોડી માનવામાં આવે છે. 2001માં દક્ષિણ આફ્રિકા સામે આ જોડીએ પહેલી વિકેટ માટે 193 રનની ભાગીદારી નોંધાવી હતી.