સિક્કિમને તસવીરોમાં જોશો તો અહીં રહેવાનું મન થઇ જશે..

Updated: Thursday, October 9, 2014, 18:12 [IST]

સિક્કિમ ચીન, નેપાળ તથા ભૂતાનની સરહદે આવેલું ભારતનું રાજ્ય છે. તેનું પાટનગર ગંગટોક છે. ત્યાંની મુખ્ય ભાષા નેપાળી છે. સિક્કિમ ગોવા પછીનું ભારતનું સૌથી નાનું રાજ્ય છે. અંગુઠા જેવા આકારવાળા આ રાજ્યની પશ્ચિમમાં નેપાળ, ઉતર અને પૂર્વમાં તિબેટ, દક્ષિણ-પૂર્વમાં ભૂતાન સરહદથી જોડાયેલુ છે.

"સિક્કિમ" નામ વિષે સૌથી વધુ માન્યતા પ્રાપ્ત ધારણા એવી છે કે આ શબ્દ લિંબુ ભાષાના બે શબ્દોમાંથી બન્યો છે. લિંબુ ભાષામાં "સુ" એટલે નવુ અને "ખિયિમ" એટલે મહેલ કે આવાસ. હિમાલયની પર્વતમાળામાં આવેલા માળા સમાન સિક્કિમ એ મુખ્યત્વે પર્વતીય ભૂક્ષેત્ર ધરાવે છે. રાજ્યના ભૂક્ષેત્રની સમુદ્રસપાટીથી ઊંચાઈ 280મી થી લઈને 8586મી જેટલી છે. વિશ્વનું ત્રીજા ક્રમનું સૌથી ઊંચું શિખર - કાંચનજંઘા સિક્કિમ અને નેપાળની સરહદે આવેલું છે.

સિક્કિમની પૂર્વ, પશ્ચિમ અને ઉતરે હિમાલયની પર્વતમાળા આવેલી છે. રાજ્યના દક્ષીણ ભાગમાં હિમાલયના નીચા શિખરો આવેલા છે. આ દક્ષીણ ભાગમાં વસ્તીની ગીચતા વધુ છે. સિક્કિમમાં 26 શિખરો, 80થી વધુ હિમનદીઓ, 229 જેટલા ઊંચાઈ પર આવેલા તળાવો (જેમ કે ત્સોન્ગમો, ગુરુડોન્ગમર અનેખેચોપાલરી), ગરમ પાણીના પાંચ ઝરા અને 100થી વધુ નદીઓ અને ઝરણાંઓ આવેલાં છે. રાજ્યના 8 પર્વતીય ઘાટ તેને તિબેટ, નેપાળ અને ભુતાન સાથે જોડે છે.

સિક્કિમે હંમેશાથી જ પોતાના સુંદર મઠો અનોખી સભ્યતા અને સસ્કૃતિના પગલે પ્રકૃતિના પ્રેમિયો અને હાર્ડકોર એડવેંચરના શોખીનોને પોતાની તરફ આકર્ષિત કર્યા છે. આ સુંદર રાજ્યમાં એવું ઘણું બધુ છે છે જે કારણે આજે તે પ્રવાસન હબ તરીકે ઓળખાય છે. આજે અમે આ લેખમાં આપને સિક્કિમના એ સુંદર પ્રવાસન સ્થળોથી રૂબરૂ કરાવીશું જેને જોઇને આપને આ સ્વર્ગમાં રહેવાનું મન થઇ જશે..

આવો કરીએ સિક્કિમની યાત્રા તસવીરોમાં...

એક શાનદાર માર્ગ

સિક્કિમમાં ગુરડોંગર તળાવનો પ્રમુખ માર્ગ.
ફોટો કર્ટસી - Antony Pratap

આશ્ચર્યજનક વાદળી પાણી

ગુરડોંગર તળાવ, એક તાજા પાણીનું સરોવર છે, 5210 મીટરની ઉંચાઇ પર સ્થિત હોવાના કારણે તે દુનિયામાં સર્વોચ્ચ જળ સંસ્થામાંથી એક છે.
ફોટો કર્ટસી - Virtous One