• search

એક સફર ભારતના ઓછા જાણીતા અને અજબ ગજબ સ્થળોની...

By Kajal
Subscribe to Oneindia News
For Quick Alerts
ALLOW NOTIFICATIONS
For Daily Alerts

    રોંજીદા કામોમાંથી જ્યારે પણ વ્યક્તિને સમય મળે ત્યારે સૌથી પહેલા તેને કોઇ એવા સ્થળે જવાની ઇચ્છા થાય જ્યાં શાંતિ હોય, કંઇક નવું હોય અને જે તેને ફરી કામ કરવાની એનર્જી આપી શકે. આપણા ભારત દેશમાં જેટલી વિવિધતા અને સુંદરતા છે તેટલી ભાગ્યે જ ક્યાંક જોવા મળે છે. તમે કોઇ પણ રાજ્ય કે શહેરમાં જશો તમને કોઇ ને કોઇ નવું સ્થળ જોવા ચોક્કસ મળશે. જો કે, ભારતમાં હજુ ઘણાય સ્થળો એવા છે જેના વિશે ભાગ્યે જ કોઇ જાણતું હોય. તો આજે અમે તમને ભારતના એવા જ કેટલાક સ્થળોની સફરે લઇ જવાના છીએ...

    માર્બલ રોક્સ

    માર્બલ રોક્સ

    ભારતના હ્રદય સમાન ગણાતું મધ્યપ્રદેશ તેના ભવ્ય ઇતિહાસ અને સંસ્કૃતિ માટે જાણીતું છે. અહીં ફરવા માટે એટલા બધા સ્થળો આવ્યાં છે કે તમે ફરતા ફરતા થાકી જશો પરંતુ અહીંની વિવિધતા પુરી નહી થાય. જેમાં ખજુરાહો, પન્ના નેશનલ પાર્ક, સાંચી, ભીમબેટકા, કાન્હા નેશનલ પાર્ક વગેરે એવા સ્થળ છે જેના વિશે ભારત ઉપરાંત બીજા દેશના લોકોને પણ પૂરતી માહિતી છે. આ સ્થળોમાંથી કેટલાક સ્થળો એવા પણ છે જે આપણી બોલીવૂડ ફિલ્મોમાં પણ આવી ચૂક્યા હોય. જો કે, અહીંના કેટલાક સ્થળોએ હજુ દુનિયાના તો શું, દેશના પણ બધા ટ્રાવેલર્સ પહોંચી નથી શક્યા અને તેમાનું એક છે માર્બલ રોક્સ.PC-Partha Sarathi Sahana

    સંગેમરમર પહાડ

    સંગેમરમર પહાડ

    જબલપૂરનું તો નામ આપણે બધાએ સાંભળ્યુ હશે. આ સ્થળને લોખંડના કારખાના તરીકે પણ જાણવામાં આવે છે. પરંતુ તેની આસપાસની સંદરતા વિશે ભાગ્યે જ આપણે કોઇએ ધ્યાન આપ્યું હશે. આ શહેર પણ અનેક સુંદરતાથી ભરેલો છે. જબલપૂરથી આશરે 25 કિમી દુર ભેડાઘાટ નામનું સુંદર સ્થળ આવેલું છે. આ સ્થળ પર નર્મદા નદીના કિનારે સો ફુટના ઊંચા પહાડો અહીનીં મુખ્ય સુંદરતા છે. આ ચમકતા પહાડોવાળો વિસ્તાર લગભગ 8 કિમી જેટલો લાંબો છે. PC- Karan Dhawan India

    લિવિંગ ટ્રી રૂટ બ્રિઝ

    લિવિંગ ટ્રી રૂટ બ્રિઝ

    મેઘાલયને આપણે બાળપણથી જ સૌથી વધારે વરસાદ પડતા સ્થળ તરીકે ઓળખીએ છીએ. અહીં પૂર્વમાં અલગ પ્રકારના જંગલો આવેલા છે. આ જંગલોમાં તમને વિવિધ પ્રકારની વનસ્પતિ જોવા મળશે. આ સ્થળની સૌથી મોટી ખાસિયત છે તેના વૃક્ષોના મુળમાંથી બનેલા મોટા મોટા પુલ. આ પુલ તમને મેઘાલયના જંગલોમાં અનેક જગ્યાએ જોવા મળે છે. મેઘાલયનું પાટનગર શિલોન્ગ સ્કોટલેન્ડની યાદ અપાવે છે. આ સ્થળ પર તમે બીજા અનેક સ્થળોએ ફરવાનો આનંદ લઇ શકો છો, જેમાં ચેરાપૂંજી, એલીફેંડા ફોલ, માસિનરામ, ઉનિયામ જેવા સ્થળોનો સમાવેશ થાય છે.PC- Arijit Sahu

    નીડલ હોલ પોઇન્ટ, મહારાષ્ટ્ર

    નીડલ હોલ પોઇન્ટ, મહારાષ્ટ્ર

    મહારાષ્ટ્રનું મહાબળેશ્વર એક ખુબ સુંદર પર્યટન શહેર છે અને તેની પહાડોની સુંદરતા માટે જાણીતું છે. મહારાષ્ટ્રનું આ સ્થળ ખાસ કરીને હિંદુઓના તીર્થસ્થળ તરીકે જાણીતું છે. અહીં ફરવાની મજા કંઇક અલગ જ છે. અહીં ફરવાના ઘણા સ્થળો છે અને કેટલાક સ્થળો એવા પણ છે જેના વિશે બધા પર્યટકોને ભાગ્યે જ માહિતી હોય. આમાં સૌથી સુંદર સ્થળ છે, નીડલ હોલ પોઇન્ટ. આ પહાડની ઊંચાઇ ત્યાંનાં બધા પહાડો કરતા ઘણી વધારે છે. તેના પરથી આસપાસના નીચેના વિસ્તારો જોવાની ખુબ મજા આવે છે. આ સ્થળ આટલું સુંદર હોવા છતા પણ બધા લોકોને તેની જાણ હોતી નથી. જો તમે પણ મહાબળેશ્વરની મુલારાત લો, તો અહીં ચોક્કસ જજો. PC- Rishabh Tatiraju

    English summary
    Here are some of the top coolest unexplored places of India, where you can spend your happy times with family and friends. its include needle hole point to loktal lake of manipur.

    For Breaking News from Gujarati Oneindia
    Get instant news updates throughout the day.

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more