• search
For Quick Alerts
ALLOW NOTIFICATIONS  
For Daily Alerts

માત્ર મહિલાઓ જ Ola સ્કૂટર ફેક્ટરી ચલાવશે, 10,000 મહિલા કર્મચારીઓની નિમણૂક કરાશે

|
Google Oneindia Gujarati News

Ola ઇલેક્ટ્રિકની ફેક્ટરી માત્ર વિશ્વની સૌથી મોટી ટુ વ્હીલર મેન્યુફેક્ચરિંગ ફેક્ટરી જ નહીં, પણ તે વિશ્વની સૌથી મોટી ફેક્ટરી હશે. જે સંપૂર્ણપણે મહિલા કામદારો દ્વારા ચલાવવામાં આવશે. Ola ઇલેક્ટ્રિકની ફેક્ટરીમાં 10,000 મહિલા કામદારોને રાખવામાં આવશે. તેનું કામ સંપૂર્ણપણે મહિલાઓના હાથમાં જ રહેશે.

Ola કહે છે કે, આત્મનિર્ભર ભારત માટે આત્મનિર્ભર મહિલાઓની જરૂર છે. Olaના CEO ભાવિશ અગ્રવાલે એક ટ્વીટમાં કહ્યું, "આજે મને એ જાહેરાત કરતા ગર્વ થાય છે કે, Ola ફ્યુચર ફેક્ટરી સંપૂર્ણપણે મહિલાઓ દ્વારા ચલાવવામાં આવશે. અમે આ સપ્તાહે મહિલા કર્મચારીઓની પ્રથમ બેચનું સ્વાગત કર્યું છે. આ કારખાનામાં 10,000 મહિલાઓ હશે, જ્યારે તે સંપૂર્ણ ક્ષમતાથી કામ કરવાનું શરૂ કરશે.

Ola

ઇલેક્ટ્રિક મોટર 8.5 kW ની પીક પાવર જનરેટ કરે છે

750 W ક્ષમતાના પોર્ટેબલ ચાર્જરથી Ola સ્કૂટરની બેટરી લગભગ 6 કલાકમાં સંપૂર્ણપણે ચાર્જ થઈ શકે છે. આ સિવાય તે ફાસ્ટ ચાર્જરથી માત્ર 18 મિનિટમાં 75 ટકા સુધી ચાર્જ થઈ જાય છે. Olaએ આ ઇલેક્ટ્રિક સ્કૂટરમાં ઘણી નવી અને આધુનિક સુવિધાઓનો સમાવેશ કર્યો છે.

સંપૂર્ણ ચાર્જ પર 181 કિમી દોડશે

Ola S 1 સંપૂર્ણ ચાર્જ પર 121 કિમીની રેન્જ આપે છે, જ્યારે હાઇ એન્ડ વેરિએન્ટ S 1 પ્રોની રેન્જ 181 કિમી છે. બંને સ્કૂટરની ટોપ સ્પીડની વાત કરીએ તો, Ola એસ 1 90 કિમી/કલાકની ટોપ સ્પીડ પર ચલાવી શકાય છે, જ્યારે Ola S 1 પ્રો 115 કિમી/કલાકની ટોપ સ્પીડ પર ક્લોક કરી શકાય છે.

એટલું જ નહીં, આ સ્કૂટર 0 થી 60 કિલોમીટર પ્રતિ કલાકની ઝડપ માત્ર 3 સેકન્ડમાં પકડવામાં સક્ષમ છે. તેમાં ત્રણ અલગ અલગ ડ્રાઇવિંગ મોડ્સ છે, જેમાં નોર્મલ, સ્પોર્ટ અને હાઇપરનો સમાવેશ થાય છે. આકર્ષક દેખાવ અને મજબૂત ઇલેક્ટ્રિક મોટર સાથે, કંપનીએ તેને કુલ 10 રંગોમાં રજૂ કરી છે.

સ્કૂટરની ડોર સ્ટેપ ડિલિવરી

હમણાં સુધી Ola ઇલેક્ટ્રિક સ્કૂટરની ડિલિવરી શરૂ કરવામાં આવી નથી. કંપનીએ હજૂ સુધી કોઈપણ શહેરમાં તેનું ડીલરશીપ નેટવર્ક શરૂ કરવાનું બાકી છે. માહિતી અનુસાર પ્રારંભિક તબક્કામાં Ola તેના સ્કૂટરની ડોર સ્ટેપ ડિલિવરી શરૂ કરી શકે છે, એટલે કે ગ્રાહકને સ્કૂટર લેવા માટે શોરૂમમાં જવું પડશે નહીં, પરંતુ સ્કૂટર ગ્રાહકના ઘરે પહોંચાડવામાં આવશે. જો કે, કંપનીએ હજૂ સુધી ડિલિવરી સંબંધિત વધુ માહિતી શેર કરી નથી.

કંપની ડોર સ્ટેપ સર્વિસિંગ સુવિધા આપશે

Ola ઇલેક્ટ્રિક સ્કૂટર માટે કંપની ડોર સ્ટેપ સર્વિસ આપશે. એટલે કે, જો સ્કૂટરમાં કોઈ સમસ્યા હોય તો કંપનીના ટેકનિશિયન ગ્રાહકના ઘરે જઈને સ્કૂટર રિપેર કરશે. સેવા વિનંતીની સુવિધા Ola ઇલેક્ટ્રિક સ્કૂટરની મોબાઇલ એપ્લિકેશન અને વેબસાઇટ પર આપવામાં આવશે.

Ola યુઝર્સને સ્કૂટર પ્રિડિક્ટીવ આર્ટિફિશિયલ ઇન્ટેલિજન્સ (AI) દ્વારા જાળવણી સંબંધિત ચેતવણીઓ આપવાનું ચાલુ રાખશે. Ola એ કહ્યું છે કે, આગામી તબક્કામાં કંપની સ્કૂટરને ઓનલાઇન અને ઓફલાઇન બંને રીતે વેચી શકે છે. આ માટે કંપની દેશના ઘણા શહેરોમાં તેની ડીલરશીપ ખોલવાની યોજના બનાવી રહી છે. કંપની આગામી ત્રણ મહિનામાં દેશના દરેક શહેરમાં એક ગ્રાહક ટચ પોઈન્ટ શરૂ કરશે.

1. ડિઝાઇન

ઓલા ઇલેક્ટ્રિક સ્કૂટરની ડિઝાઇન નેધરલેન્ડ સ્થિત 'એપસ્કૂટર ઇટરગો'ની ડિઝાઇન પર આધારિત છે. આ સ્કૂટર પરંપરાગત સ્કૂટર જેવું લાગે છે, પરંતુ તેની ડિઝાઇન એકદમ આધુનિક છે. સ્કૂટર સ્ટાઇલિશ ફ્રેમ અને પેનલ સાથે આવે છે, જેમાં બહુ ઓછા કટ અને ક્રીઝ હોય છે. ઓલા સ્કૂટરની ડિઝાઇન સરળ છે, તેથી તે તમામ ઉંમરના લોકોને ફિટ થશે. ઓલા ઇલેક્ટ્રિક સ્કૂટર કુલ આઠ રંગોમાં ઉપલબ્ધ થશે.

2. ફિચર્સ

ફિચર્સની વાત કરીએ તો ola ઇલેક્ટ્રિક સ્કૂટરને ઘણી આધુનિક સુવિધાઓ સાથે રજૂ કરવામાં આવશે. આ સ્કૂટરમાં એલઇડી લાઇટનો ઉપયોગ કરવામાં આવશે, તેમજ મોટા ટચસ્ક્રીન ઇન્સ્ટ્રુમેન્ટ ડિસ્પ્લે કે જે મલ્ટી-ફંક્શન સુવિધાઓ સાથે આવશે. ola સ્કૂટરમાં TFT ફુલ કલર ડિસ્પ્લે, નેવિગેશન, ક્લાઉડ સ્ટોરેજ, ઇન્ટરનેટ કનેક્ટિવિટી, રિમુવેબલ લિથિયમ-આયન બેટરી, ટેલિસ્કોપિક ફોર્ક સસ્પેન્શન, એલોય વ્હીલ્સ જેવી સુવિધાઓ આપવામાં આવશે.

3. બેટરી અને રેન્જ

ઓલા ઇલેક્ટ્રિક સ્કૂટરમાં 3 kW થી 6 kWની ઇલેક્ટ્રિક મોટર હોય શકે છે. ફાસ્ટ ચાર્જર સાથે આ સ્કૂટર માત્ર 18 મિનિટમાં 50 ટકા સુધી ચાર્જ કરી શકાય છે. તે જ સમયે, તેને સામાન્ય ચાર્જરથી ચાર્જ કરવામાં 2-2.5 કલાક લાગશે. તે સંપૂર્ણ ચાર્જ પર 130-150 કિમીની રેન્જ આપી શકે છે. તે જ સમયે, તેની ટોચની ઝડપ 90 કિમી/કલાક સુધી હોય શકે છે.

English summary
Ola Electric's factory will not only be the world's largest two-wheeler manufacturing factory, but also the world's largest. Which will be run entirely by women workers.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X