હવે તમે ફેસબુક ફ્રેંડને ફ્રીમાં ફોન કરી શકશો !

By Kumar Dushyant

Published: Monday, January 7, 2013, 12:50 [IST]

લંડન, 7 જાન્યુઆરી: ફેસબુક જલ્દી જ પોતાના વપરાશકર્તાઓને ફ્રીમાં વોઇસ કોલ કરવાની સુવિધા આપવાની તૈયારીમાં છે. તેના માટે મેસેન્જર નવા ફિચર એડ કરવામાં આવશે. તેના માધ્યમથી પોતાના કોઇપણ ફેસબુક ફ્રેંડ સાથે વાત કરી શકશો, તે પણ કોઇપણ જાતના ખર્ચ વિના.

વોઇસ ઓવર ઇન્ટરનેટ પોટોકોલ (વીઓઆઇપી) ટેક્નોલોજીથી ફ્રી ઇન્ટરનેટ કોલની આ સુવિધાની હાલમાં કેનેડામાં ટ્રાયલ ચાલી રહી છે. આ સુવિધા માટે ફેસબુક દ્રારા કોઇ ચાર્જ વસુલવામાં નહી આવે. પરંતુ ટેક્નોલોજીના રૂપથી જોઇએ તો આ બિલકુલ મફત નથી. ઇન્ટરનેટનો ઉપયોગ કરવા માટે ઉપયોગી ડેટા પર મામૂલી ચાર્જ વસુલવામાં આવશે.

થોડા સમય અગાઉ ફેસબુક મેસેન્જરે દુનિયાભરમાં વોઇસમેલની જેમ મેસેજિંગ ફિચર લોન્ચ કર્યું હતું, જેના માધ્યમથી તમે પોતાના ફ્રેંડને પોતાના અવાઝમાં મેસેજ રેકોર્ડ કરી મોકલી સકે છે. કેટલાક એક્સપર્ટસનો દાવો છે કે ફેસબુક જલદી જ આ પ્રકારની ફ્રી વિડિયો મેસેજીંગ સુવિધા આપવા માટે કામ કરી રહ્યું છે. એક્સપર્ટનું માનવું છે કે ફેસબુક વોઇસ મેસેજીંગ અને વીઓઆઇપી જેવી સુવિધાઓ પુરી પાડી કોલ કરવાની પારંપરિક પદ્ધતિને પડકાર આપવાની તૈયારીમાં છે.

Published On January 7, 2013