INSACOGએ કરી કોરોનાના BA.4 અને BA.5 સબ વેરિઅંટની પુષ્ટિ, વેક્સીનેટ થઈ ચૂકેલા દર્દી થયા સંક્રમિત

રવિવારે કેન્દ્રીય નિગમ INSACOGએ ભારતમાં કોવિડ-19ના BA.4 અને BA.5 વેરિઅંટની પુષ્ટિ કરી છે.

નવી દિલ્લીઃ ભારતમાં હાલમાં કોરોનાની ગતિ ધીમી છે પરંતુ ઘણા રાજ્યોમાં હજુ પણ કોરોના માથાનો દુઃખાવો બનેલુ છે. એવામાં કોરોનાના સબ વેરિઅંટને લઈને આવી રહેલા સમાચારો ડરાવી રહ્યા છે. રવિવારે કેન્દ્રીય નિગમ INSACOGએ ભારતમાં કોવિડ-19ના BA.4 અને BA.5 વેરિઅંટની પુષ્ટિ કરી છે. એચટીના સમાચાર મુજબ પહેલો કેસ તમિલનાડુ અને બીજો તેલંગાનામાં મળ્યો છે.

તમને જણાવી દઈએ કે કોરોનાના આ બંને વેરિએન્ટ માત્ર ઓમિક્રોન વેરિએન્ટના છે. આ પ્રકારોને લીધે, આ વર્ષની શરૂઆતમાં દેશમાં સંક્રમણની વ્યાપક અસર થઈ હતી. કેન્દ્ર સરકાર દ્વારા સ્થાપિત સંયુક્ત સંસ્થા ભારતીય SARS-CoV-2 જેનોમિક્સ કન્સોર્ટિયમે જણાવ્યું છે કે તમિલનાડુમાં એક 19 વર્ષીય મહિલા BA.4 વેરિઅન્ટથી ચેપગ્રસ્ત મળી આવી છે. આ મહિલાને સંપૂર્ણ રીતે રસી આપવામાં આવી હતી અને તેની અંદર લક્ષણો દેખાતા ન હતા.

બીજો કેસ તેલંગાનાનો છે જ્યાં એક 80 વર્ષીય વ્યક્તિ કોરોનાના ઓમિક્રોન વેરિઅન્ટના BA.5 વેરિઅન્ટથી સંક્રમિત જોવા મળ્યો છે. આ દર્દીમાં હળવા લક્ષણો પણ જોવા મળ્યા હતા અને તેણે પણ રસીના બંને ડોઝ લીધા હતા. INSACOGએ કહ્યું કે બંને દર્દીઓની કોઈ ટ્રાવેલ હિસ્ટ્રી બહાર આવી નથી જે થોડી રાહતની વાત છે. INSACOG એ જણાવ્યું છે કે સાવચેતીના પગલા તરીકે, BA.4 અને BA.5 દર્દીઓનું કોન્ટેક્ટ ટ્રેસિંગ કરવામાં આવી રહ્યુ છે. તમને જણાવી દઈએ કે આ પહેલા દક્ષિણ આફ્રિકાનો એક મુસાફર BA.4 વેરિઅન્ટથી સંક્રમિત જોવા મળ્યો હતો.

English summary

INSACOG confirms BA.4 & BA.5 variants of COVID 19 in India