પીએમએ કહ્યું, 'રેડમાં અમારો હાથ નથી'

નવી દિલ્હી, 21 માર્ચઃ ડીએમકે નેતા એમકે સ્ટાલિનના ચેન્નાઇ સ્થિત નિવાસસ્થાન પર સીબીઆઇની રેડથી મચેલા હંગામા પર સફાઇ આપતા પ્રધાનમંત્રી મનમોહન સિંહે કહ્યું છે કે સરકારને તેની સાથે કોઇ લેવા દેવા નથી. સીબીઆઇએ ગુરુવારે સવારે આયતી કારમાં ટેક્સ મામલે ડીએમકે પ્રમુખ કરુણાનિધિના પુત્ર સ્ટાલિનના ઘર પર રેડ કરી હતી. મનમોહન સિંહે પત્રકારો સાથે વાતચીતમાં સ્ટાલિનના ઘરે રેડથી સરકારને અલગ કરતા કહ્યું છે કે તેમાં સરકારની કોઇ ભૂમિકા નથી.

તેમણે કહ્યું છે કે આવું થવું જોઇતું નથી. રેડનો સમય સૌથી દૂર્ભાગ્યપૂર્ણ છે. સ્ટાલિનને ત્યાં રેડને લઇને વિભિન્ન રાજકીય દળોએ આકરી ટીકા કરી છે. તેમણે કહ્યું છે કે ડીએમકેએ કેન્દ્રની યુપીએસ સરકારથી સમર્થન પરત લીધાના એક દિવસ બાદ જ કરવામાં આવેલી આ રેડ દર્શાવે છે કે, સરકાર પોતાના ફાયદા માટે સીબીઆઇનો દુરુપયોગ કરી રહી છે.

રેડને લઇને નાણામંત્રી પી ચિદમ્બરમ, સંસદીય કાર્યમંત્રી કમલનાથ, સંચારમંત્રી કપિલ સિબ્બલ અને સુચના પ્રસારણ મંત્રી મનીષ તિવારીએ પણ પોતાની નારાજગી વ્યક્ત કરી છે. સીબીઆઇએ ગુરુવારે તામિળનાડુમાં 19 સ્થળો પર રેડ પાડી. જેમાં ચેન્નાઇ સ્થિત સ્ટાલિનનું નિવાસસ્થાન પણ છે.

English summary

The timing of the CBI raid on DMK leader MK Stalin was unfortunate and the government had no role in it, an upset Prime Minister Manmohan Singh said on Thursday.