ઊંટ પર બેસીને વેક્સિન આપવા પહોંચી હેલ્થ વર્કર, આરોગ્યમંત્રીએ ફોટો શેર કર્યા!

કોરોના વાયરસ અને તેના નવા પ્રકાર ઓમિક્રોન સામે લડવા માટે દેશભરમાં લોકોને રસી આપવામાં આવી રહી છે. કેન્દ્ર સરકારે ગામડે ગામડે રસી પહોંચાડવા માટે ઘણા મોટા અભિયાન ચલાવ્યા છે.

બાડમેર, 24 ડિસેમ્બર : કોરોના વાયરસ અને તેના નવા પ્રકાર ઓમિક્રોન સામે લડવા માટે દેશભરમાં લોકોને રસી આપવામાં આવી રહી છે. કેન્દ્ર સરકારે ગામડે ગામડે રસી પહોંચાડવા માટે ઘણા મોટા અભિયાન ચલાવ્યા છે. તેમાંથી એક અભિયાન છે 'હર ઘર દસ્તક'. જેમાં ગામડે ગામડે લોકોને ઘરે ઘરે જઈ રસીકરણ કરવામાં આવી રહ્યું છે. આ અભિયાન અંતર્ગત કેન્દ્રીય સ્વાસ્થ્ય મંત્રી મનસુખ માંડવિયાએ બે તસવીરો શેર કરી છે. જેમાં એક લેડી હેલ્થ વર્કર ઊંટ પર બેસીને રાજસ્થાનના બાડમેરના એક ગામમાં પહોંચે છે. બીજી તસ્વીરમાં તે આરોગ્ય કર્મચારી ત્યાં એક વ્યક્તિને રસી લગાવતી જોવા મળી રહી છે.

દેશમાં કોરોના વાયરસના આંકડા ફરી એકવાર ડરાવવા લાગ્યા છે. છેલ્લા 24 કલાક દરમિયાન દેશમાં કોરોના વાયરસના 6650 નવા કેસ સામે આવ્યા છે, જ્યારે 7051 દર્દીઓ સાજા થયા છે. આ સિવાય છેલ્લા એક દિવસમાં કોરોના વાયરસના કારણે 374 લોકોએ જીવ ગુમાવ્યા છે. બીજી તરફ દેશમાં ઓમિક્રોનના કેસ પણ ઝડપથી વધી રહ્યા છે અને આ નવા પ્રકારથી સંક્રમિત દર્દીઓની કુલ સંખ્યા વધીને 358 થઈ ગઈ છે.

Rajasthan | A health care worker reaches a village on a camel as part of 'Har Ghar Dastak' vaccination drive, in Barmer

Pictures shared by Union Health Minister Dr Mansukh Mandaviya. pic.twitter.com/6J4WKAjUsN

— ANI (@ANI) December 24, 2021

આ પહેલા સ્વાસ્થ્ય મંત્રી ડૉ.મનસુખ માંડવિયાએ ટ્વીટ કરીને લખ્યું કે, નવા કારનામાં પૂરા કરવા બદલ દેશને અભિનંદન. અમારા આરોગ્ય કર્મચારીઓના જનભાગીદારીના પ્રયાસોને કારણે ભારતની લાયકાત ધરાવતી 60 ટકાથી વધુ વસ્તીને સંપૂર્ણ રસી આપવામાં આવી છે. તે પહેલા 5 ડિસેમ્બરે આરોગ્ય મંત્રાલય દ્વારા માહિતી આપવામાં આવી હતી કે હવે દેશની 50 ટકા વસ્તીને સંપૂર્ણ રસીકરણ થઈ ગયુ છે. જ્યારે 85 ટકા વસ્તીએ એક ડોઝ લીધો છે.

English summary

Health worker arrives for vaccination on camel, Health Minister shares photo!