બૉલીવુડે કહ્યું : હૅપ્પી વૅલેંટાઇન ડે, પહેલા પોતાને પ્રેમ કરો!

Published: Friday, February 14, 2014, 17:24 [IST]

મુંબઈ, 14 ફેબ્રુઆરી : વૅલેંટાઇન ડે પ્રસંગે શુક્રવારે બૉલીવુડની ચર્ચિત હસ્તીઓએ પોતાના ફૅન્સને સૌપ્રથમ પોતાની સાથે પ્રેમ કરવાનો મંત્ર આપ્યો. કેટલીક હસ્તીઓ માટે પ્રેમનો આ દિવસ ખાસ મહત્વ નથી ધરાવતો, તો કેટલાંક પાસે તેને ખાસ બનાવવાની પોતાની રીતો છે.

વૅલેંટાઇન ડે પ્રેમના દિવસ તરીકે ઓળખાય છે અને દર 14મી ફેબ્રુઆરીએ આ દિવસ પ્રેમના નામે સમર્પિત કરવામાં આવે છે. તેવામાં લવ-રોમાંસનો પર્યાય બૉલીવુડ કઈ રીતે આ દિવસમાંથી બાકાત રહી શકે. એટલે જ તો બૉલીવુડમાં પણ વૅલેંટાઇન ડેની ઉજવણી કરવામાં આવતી હોય છે. જોકે વૅલેંટાઇન ડે પ્રસંગે બૉલીવુડની હસ્તીઓએ પોતાની લાગણી વ્યક્ત કરવા માટે ટ્વિટરની પસંદગી કરી. અક્ષય કુમાર, કરણ જૌહર, અરશદ વારસી અને ટિસ્કા ચોપરા જેવી હસ્તીઓએ જણાવ્યું કે તેમના માટે આ દિવસ કેમ મહત્વ ધરાવે છે.

ચાલો તસવીરો સાથે જાણીએ વૅલેંટાઇન ડે અંગે બૉલીવુડની લાગણીઓ :

પોતાના પ્રેમને પ્રેમ કરો

અક્ષય કુમારે ટ્વીટ કર્યું - હું અને મારી પત્ની ટ્વિંકલ આ વર્ષે ગ્રાહકવાદ તરફે નથી ઝુકી રહ્યાં. વૅલેંટાઇન ડેનો મતલબ પોતાના પ્રેમ સાથે પ્રેમ કરવો છે, પૈસા ખર્ચ કરવો નહીં.

કૅલોરી લેવાનો દિવસ

કરણ જૌહરે ટ્વીટ કર્યું - જો આપ સિંગલ હોવ અને આપનો કોઈ પ્રેમી કે પ્રેમિકા ન હોય, તો ચોક્કસ માની લો કે આજે આપે બહુ કૅલોરી લેવી છે. એકલવાયાપણા માટે મિઠાઈ.