દિલ્હીમાં ફરી માસ્ક લગાવવુ થયુ અનિવાર્ય, નિયમ તોડનારને કરાશે દંડ
દેશની રાજધાની દિલ્હીમાં ફરી એકવાર કોરોના વાયરસના કેસ વધવા લાગ્યા છે. કોરોના વાયરસના વધતા જતા કેસોને જોતા દિલ્હી સરકારે ફરીથી ફેસ માસ્ક લગાવવાનું ફરજિયાત બનાવ્યું છે. દિલ્હી સરકાર દ્વારા જારી કરવામાં આવેલા નોટિફિકેશન મુજબ
દેશની રાજધાની દિલ્હીમાં ફરી એકવાર કોરોના વાયરસના કેસ વધવા લાગ્યા છે. કોરોના વાયરસના વધતા જતા કેસોને જોતા દિલ્હી સરકારે ફરીથી ફેસ માસ્ક લગાવવાનું ફરજિયાત બનાવ્યું છે. દિલ્હી સરકાર દ્વારા જારી કરવામાં આવેલા નોટિફિકેશન મુજબ હવે તમામ જાહેર સ્થળોએ માસ્ક પહેરવું જરૂરી છે અને નિયમનું ઉલ્લંઘન કરનારાઓ પાસેથી 500 રૂપિયાનો દંડ વસૂલવામાં આવશે. તમને જણાવી દઈએ કે ઓગસ્ટ મહિનામાં છેલ્લા 10 દિવસમાં દિલ્હીમાં કોરોના વાયરસના કારણે 40 લોકોના મોત થયા છે. આ ઉપરાંત દૈનિક કેસોની સંખ્યામાં પણ ઉછાળો આવ્યો છે.
જોકે, આ વખતે માસ્ક પહેરવાના નિયમમાં ફેરફાર કરવામાં આવ્યો છે. દિલ્હી સરકારે કહ્યું છે કે આ દંડ ખાનગી ફોર વ્હીલરમાં એકસાથે મુસાફરી કરતા લોકો પર લાગુ થશે નહીં. નોંધનીય છે કે અગાઉ દિલ્હીમાં ખાનગી વાહન દ્વારા મુસાફરી કરતા લોકો માટે વાહનની અંદર માસ્ક પહેરવું ફરજિયાત હતું. આ નિયમને લઈને ઘણો વિવાદ થયો હતો.
દિલ્હીમાં કોરોનાના કારણે મૃત્યુઆંક ત્રણ ગણો વધી ગયો
તમને જણાવી દઈએ કે જુલાઈના છેલ્લા 10 દિવસમાં દિલ્હીમાં કોરોના વાયરસના કારણે 14 લોકોના મોત થયા છે, જ્યારે ઓગસ્ટના પહેલા 10 દિવસમાં 40 લોકોએ જીવ ગુમાવ્યા છે. દિલ્હીમાં કોરોના વાયરસને કારણે 1 ઓગસ્ટે ત્રણ, 2 ઓગસ્ટે ત્રણ, 3 ઓગસ્ટે પાંચ, 4 ઓગસ્ટે ચાર, 5 ઓગસ્ટે બે, 6 ઓગસ્ટે એક, 7 ઓગસ્ટે બે, 8 ઓગસ્ટે છ, 9 ઓગસ્ટે આઠ લોકો 7 અને 10 ઓગસ્ટે જીવ ગુમાવ્યા છે. દિલ્હી સરકારના ડેટા અનુસાર, કોરોનાને કારણે મૃત્યુમાં ત્રણ ગણો વધારો થયો છે, જે ખૂબ જ ચિંતાજનક છે.