સ્પોટ ફિક્સિંગ : ક્રિકેટરોના MMS બનાવવાનો પ્લાન હતો સટ્ટેબાજોનો!

નવી દિલ્હી, 19 મે : આઇપીએલ-6નમાં સ્પોટ ફિક્સિંગ કાંડમાં એક નવો અને ચોંકાવનારો ખુલાસો સામે આવ્યો છે. એક અંગ્રેજી અખબારના જણાવ્યા અનુસાર સટ્ટેબાજ ક્રિકેટરો અને કોલગર્લની અશ્લીલ વીડિયો બનાવવા માંગતા હતા જેથી ક્રિકેટરોને બાદમાં બ્લેકમેલ કરી શકાય. સમાચારપત્રોના જણાવ્યા અનુસાર એક હાઉસ પાર્ટીમાં એક અશ્લીલ વીડિયો બનાવવાની તૈયારી કરવામાં આવી હતી.

આ મામલામાં સટ્ટેબાજોના લેપટોપની પણ તપાસ કરવામાં આવી રહી છે, સૂત્રોના જણાવ્યા અનુસાર દૂબઇના આકાઓએ તેમને હોટલના રૂમમાં કેમેરા લગાવવાનું જણાવ્યું હતું. પોલીસે 4 લેપટોપ અને 50 મોબાઇલ જપ્ત કરાયા છે, જેની તપાસ કરવામાં આવી રહી છે.

સટ્ટેબાજો અને ખેલાડીઓની કરવામાં આવેલી પૂછપરછમાં એ તથ્ય સામે આવ્યું છે કે બે સટ્ટેબાજ ચંદ્રેશ પટેલ ઉર્ફ ચાંદ અને મનાને આ વર્ષે શ્રીસંત અને અજીત ચંદીલાને 5થી 6વાર કોલગર્લની સપ્લાઇ કરી હતી.

સૂત્રો અનુસાર પોલીસ દ્વારા ધરપકડ કરવામાં આવેલ સટ્ટેબાજો પાસેથી પાંચ લેપટોપની હાર્ડ ડિસ્કને તપાસવામાં લાગી છે કે શું વાસ્તવમાં આવી કોઇ ક્લિપિંગ બની છે કે નહીં. લેપટોપને ફોરેન્સિંગ લેબમાં પણ મોકલવામાં આવ્યા છે જ્યાં નિષ્ણાંતો ભવિષ્યમાં તપાસમાં મદદ મળે તેના માટે હાર્ડ ડિસ્કની અન્ય એક કોપી બનાવશે.

દિલ્હી પોલીસના એક અધિકારીએ જણાવ્યું કે આઇપીએલમાં ખેલાડીઓને કોલગર્લ્સની સપ્લાઇ કરવી સામાન્ય બાબત હતી, અને ઘણા મામલામાં તો સટ્ટેબાજ પોતે ખેલાડીઓને કોલગર્લ્સ સપ્લાય કરતા હતા.

દિલ્હી પોલીસ કમિશ્નર નીરજ કુમારે શુક્રવારે જણાવ્યું હતું કે શ્રીસંત અને જીજૂની ધરપકડ કરવામાં આવી, ત્યારે તેમની સાથે યુવતીઓ હતી. અમને અન્ય ખેલાડીઓ અંગે પણ જાણકારી મળી છે.

English summary

Giving a new twist to the ongoing IPL spot-fixing saga, investigations conducted by the Special Cell of Delhi police has revealed that the bookies had planned to make MMS of the players involved in the fixing.