સુરતમાં બનતા કપડાંના પ્રમોશન માટે અમેરિકાના જ્યોર્જિયા, ટેક્સાસ અને કેલિફોર્નિયામાં એક્ઝિબિશન યોજાશે!

સિલ્ક સિટી તરીકે જાણીતા સુરતના કાપડને વૈશ્વિક બજાર પૂરું પાડવા ચેમ્બર ઓફ કોમર્સે યુનાઈટેડ સ્ટેટ્સ ઑફ અમેરિકામાં સુરતના કાપડ માટે એક્ઝિબિશન ગ્લોબલ ટેક્સટાઈલ ટ્રેડ ફેરનું આયોજન કર્યું છે.

સુરત : સિલ્ક સિટી તરીકે જાણીતા સુરતના કાપડને વૈશ્વિક બજાર પૂરું પાડવા ચેમ્બર ઓફ કોમર્સે યુનાઈટેડ સ્ટેટ્સ ઑફ અમેરિકામાં સુરતના કાપડ માટે એક્ઝિબિશન ગ્લોબલ ટેક્સટાઈલ ટ્રેડ ફેરનું આયોજન કર્યું છે. આ પ્રદર્શનમાં સુરતના 50 થી વધુ પ્રદર્શકો ભાગ લેશે.

અમેરિકાના ત્રણ રાજ્યોમાં જૂન મહિનામાં અલગ-અલગ તારીખે ચાર દિવસીય પ્રદર્શનનું આયોજન કરવામાં આવશે. વિદેશી ખરીદદારો સુરતના કાપડની વિશેષતા જાણી શકે અને અહીંથી આયાતને પ્રોત્સાહન મળે તે માટે આ પ્રદર્શનનું આયોજન કરવામાં આવ્યું છે. તાજેતરમાં ચેમ્બર ઓફ કોમર્સ દ્વારા સુરતમાં ટેક્સટાઈલ મશીનરી CITEXનું પ્રદર્શન યોજવામાં આવ્યું હતું. આ પ્રદર્શનમાં રેપિયર, વોટરજેટ, એર જેટ સહિતની અત્યાધુનિક ટેક્સટાઈલ મશીનરીના સ્ટોલ હતા.

ગ્લોબલ ટેક્સટાઇલ ટ્રેડ ફેર એક્ઝિબિશનમાં એવા લોકોને પ્રાથમિકતા આપવામાં આવશે જેઓ ડાયરેક્ટ એન્ડ પ્રોડક્ટ્સ બનાવે છે. એટલે કે જેઓ વસ્તુઓને ગ્રાહકો દ્વારા સીધી રીતે વાપરવા યોગ્ય બનાવે છે તેમને પ્રાથમિકતા આપવામાં આવશે. ફાઇબર, યાર્ન, એથનિક વેર, હોમ ટેક્સટાઇલ, એપેરલ અને ગારમેન્ટ, હેન્ડીક્રાફ્ટ અને હેન્ડલૂમ વગેરેના વિક્રેતાઓ સામેલ થશે. આ ઉપરાંત યુએસએમાંથી ટેક્સટાઇલ ઇમ્પોર્ટર્સ, હોલ સેલર્સ-રિટેલર્સ અને ફેશન ડિઝાઇનર્સ પણ ભાગ લેશે.

ભારતમાંથી નિકાસ થતા કપડામાં યુએસએનો હિસ્સો 24% છે. આ પ્રદર્શનથી સુરતના ટેક્સટાઈલ ઉદ્યોગ સાહસિકો ત્યાંના ઉદ્યોગ સાહસિકો સાથે સીધા સંપર્કમાં આવી શકશે. તેથી, ચેમ્બર ઓફ કોમર્સ વતી, જ્યોર્જિયા રાજ્યના એટલાન્ટા શહેરમાં 10મી, 11મી જૂને, ટેક્સાસ રાજ્યના ડલ્લાસ શહેરમાં 15મી જૂન અને કેલિફોર્નિયાના લોસ એન્જલસમાં 18મી જૂને ટેબલ ટોપ ખરીદનાર-વિક્રેતા મીટ પણ યોજાશે.

English summary

Exhibitions will be held in Georgia, Texas and California, USA for the promotion of clothes made in Surat!