ગાય દર્દથી પીડાતી હતી, સર્જરી કરી તો 52 કિલો પ્લાસ્ટિક નીકળ્યું
તમિલનાડુમાં ગાયને લગતો એક કેસ સામે આવ્યો છે, તે જાણ્યા પછી તમે વિચારમાં પડી જશો.
તમિલનાડુમાં ગાયને લગતો એક કેસ સામે આવ્યો છે, તે જાણ્યા પછી તમે વિચારમાં પડી જશો. જી હા, અહીં એક ગાય લાંબા સમયથી બીમાર હતી અને જ્યારે તે દર્દથી પીડાતી હતી ત્યારે લાગતું હતું કે તે મરી જશે. જ્યારે તેને ડોકટરો પાસે લઈ જવામાં આવી ત્યારે સર્જરી પછી ગાયના પેટમાંથી 52 કિલો પ્લાસ્ટિક અને નોન બાયોડિગ્રેડેબલ ઉત્પાદનો કાઢવામાં આવ્યા. ગાયના પેટમાંથી પ્લાસ્ટિક કાઢવામાં તમિલનાના પશુચિકિત્સકો અને વેટરનરી સાયન્સ યુનિવર્સિટી, વેપરીના સર્જનોને 5 કલાકનો સમય લાગ્યો હતો. ડોક્ટરોનું માનવું છે કે ગાયએ ખોરાકની શોધમાં કચરા સાથે આ પ્લાસ્ટિકને ખાધું હશે.
પ્લાસ્ટિકને લીધે, ગાયએ દૂધ ઓછું આપવાનું શરૂ કર્યું, ફક્ત દર્દથી પીડાતી રહી
સર્જન એ.વેલાવનના જણાવ્યા અનુસાર, શસ્ત્રક્રિયા દરમિયાન, તેમને ગાયના હૃદયની નજીક ઘણી સોય પણ મળી. તેમણે કહ્યું- ગાયને પ્લાસ્ટિકના કારણે દર્દ થતો હતો. આ કારણે તે પોતાના પેટમાં લાત મારતી હતી. તેના દૂધનું પ્રમાણ પણ ઓછું થઈ ગયું હતું. આ સાથે, તેને પેશાબ અને મળ ત્યાગવામાં પણ મુશ્કેલીનો સામનો કરવો પડતો હતો.
શસ્ત્રક્રિયામાં ફક્ત 140 રૂપિયા ખર્ચ થયા
શસ્ત્રક્રિયા સવારે 11 વાગ્યે શરૂ થઈ હતી અને સાંજે 4:30 સુધી ચાલુ રહી હતી. યુનિવર્સિટીના અનુસ્નાતક વિદ્યાર્થીઓએ પણ આમાં ફાળો આપ્યો. ડોકટરોનો દાવો છે કે આ સર્જરીમાં ફક્ત 140 રૂપિયા ખર્ચ થયો છે. જો કોઈ ખાનગી હોસ્પિટલમાં શસ્ત્રક્રિયા કરવામાં આવી હોત, તો તેનો ખર્ચ લગભગ 35 હજાર રૂપિયા થતો.
લગભગ બે વર્ષમાં ગાયના પેટમાં આટલું પ્લાસ્ટિક એકઠું થયું હોવું જોઈએ
સંસ્થાના ડાયરેક્ટર એસ. બાલાસુબ્રમણ્યમે ગાયના પેટમાંથી કાઢેલા પ્લાસ્ટિકની માત્રાને 'અભૂતપૂર્વ' ગણાવી હતી અને કહ્યું હતું કે આ ઘટના પ્લાસ્ટિકના જોખમોનો સ્પષ્ટ સંકેત છે. ડોકટરોના મતે, તે પ્લાસ્ટિકને એકઠું થવામાં લગભગ બે વર્ષ લાગ્યાં હશે.
આ પણ જુઓ: Video: અચાનક 13 ફૂટનો લાંબો કિંગ કોબ્રા દેખાયો, હડકંપ મચ્યો