ફેસબુક રિસર્ચ: ટેનિસ ઘેલા બન્યા ભારતીયો
સ્પષ્ટ છે કે આ ખુલાસો ઘણો ચોંકાવનારો નજરે પડે છે કારણ કે જે દેશમાં ક્રિકેટને ધર્મ માનવામાં આવે છે અને જે દેશની રાષ્ટ્રીય રમત હોકી હોય, ત્યાં ટેનિસની દિવાનગી આ પ્રકારે હાવી થશે કદાચ કોઇએ વિચાર્યું નહી હોય. આ સર્વેમાં એ પણ ખુલાસો થયો છે કે તાજેતરમાં ચાલી રહેલા વિંબલડન વિશે ચર્ચા કરવામાં ભારત વિશ્વમાં ત્રીજા સ્થાને છે. લગભગ સવા કરોડ લોકોની ફેસબુક પર વાતો, લાઇક્સ, કોમેન્ટ્સ અને ચર્ચાઓના માધ્યમથી આ રિસર્ચને અંજામ સુધી પહોંચાડવામાં આવ્યું.
આ સર્વેમાં તાજેતરમાં ગેર વરીય ખેલાડી સ્ટીવ ડાર્સિસના હાથે ઉલટફેરનો શિકાર થતાં બહારનો રસ્તો બતાવનાર સ્પેનના દિગ્ગજ ખેલાડી રાફેલ નડાલ સૌથી ચર્ચિત ખેલાડીઓની યાદીમાં ટોચ પર રહ્યાં છે જ્યારે તેમનાઅ બાદ રોજર ફેડરર અને નોવાક જોકોવિચનો નંબર આવે છે. તો બીજી તરફ ટેનિસ ખેલાડીઓમાં રૂસની મારિયા શારાપોવા સૌથી ચર્ચિત સ્ટાર સાબિત થયા જ્યારે બીજા સ્થાન પર અમેરિકાની સેરેના વિલિયમ્સ રહી હતી.