સલ્લુ સે જીતે, પર કૅટ સે હારે રણબીર
મુંબઈ, 7 જૂન : ફરી એક વાર રણબીર કપૂર પોતાના ક્લોઝ ફ્રેન્ડ કૅટરીના કૈફ સામે હારી ગયાં છે. હવે આપ વિચારતાં હશો કે અમે આ શું કહી રહ્યાં છીએ? તો સાંભળો. આમ કહેવા પાછળ એક ખાસ કારણ છે.
હકીકતમાં ગત શુક્રવારે રિલીઝ થયેલ રણબીર કપૂર તેમજ દીપિકા પાદુકોણે અભિનીત યે જવાની હૈ દીવાની ફિલ્મે સફળતાપૂર્વક સો કરોડનો બિઝનેસ કરી લીધો છે. આ ફિલ્મે પ્રથમ જ દિવસે ધમાકેદાર ઓપનિંગ કરી હતી અને તેના કારણે ફિલ્મે સલમાન ખાનની દબંગ 2 ફિલ્મનો રેકૉર્ડ તોડી નાંખ્યો છે.
યે જવાની હૈ દીવાનીએ પ્રથમ દિવસે ભારતમાં 19 કરોડની કમાણી કરી હતી, જ્યારે દબંગ 2એ માત્ર 4 કરોડ. પરંતુ સપ્તાહના કલેક્શનની વાત કરીએ તો વાયજેએચડી સલમાન-કૅટની એક થા ટાઇગર ફિલ્મનો રેકૉર્ડ તોડી શકી નથી. ઈટીટીએ માત્ર 4-5 દિવસોમાં જ સો કરોડ એકઠાં કરી લીધા હતાં, જ્યારે વાયજેએચડીએ આમ કરવામાં આખું અઠવાડિયુ લાગ્યું. તેથી એમ કહેવાઈ રહ્યું છે કે સલ્લુ સે જીતે, પર કૅટ સે હારે રણબીર કપૂર.
હાલ તો સમીક્ષકોને પૂરતી આશા છે કે યે જવાની હૈ દીવાની ફિલ્મ સો કરોડ કરતાં વધુ બિઝનેસ કરશે. તેથી આ ફિલ્મ પાસેથી આ સપ્તાહે પણ ઘણી આશાઓ સેવાઈ રહી છે. યમલા પગલા દીવાના 2 ફિલ્મ રિલીઝ થયા બાદ પણ આવી આશા સેવાઈ રહી છે.