કેન્દ્ર સરકારે રજૂ કર્યું નવા વાહનો માટે BH સિરીઝ રજિસ્ટ્રેશન માર્ક

કેન્દ્ર સરકાર દ્વારા બુધવારના રોજ નવા વાહનો ભારત શ્રેણી (BH-સિરીઝ) માટે નવું નોંધણી ચિહ્ન રજૂ કરવામાં આવ્યું હતું. કેન્દ્રીય માર્ગ પરિવહન અને ધોરીમાર્ગ મંત્રી નીતિન ગડકરીએ રાજ્યસભામાં એક લેખિત જવાબમાં જણાવ્યું હતું કે, જ્યારે વાહન માલિક એક રાજ્યમાંથી બીજા રાજ્યમાં સ્થળાંતર કરે છે, ત્યારે આ નોંધણી ચિહ્નના વ્યક્તિગત વાહનને નવા નોંધણી ચિહ્નની સોંપણીની જરૂર નથી.

મંત્રાલયે જણાવ્યું હતું કે, ભારત શ્રેણી (બીએચ-સિરીઝ)" હેઠળ આ વાહન નોંધણીની સુવિધા સંરક્ષણ કર્મચારીઓ, કેન્દ્ર સરકાર/રાજ્ય સરકારો/કેન્દ્ર/રાજ્ય જાહેર ક્ષેત્રના ઉપક્રમોના કર્મચારીઓ અને ખાનગી ક્ષેત્રની કંપનીઓ/સંસ્થાઓ માટે સ્વૈચ્છિક ધોરણે ઉપલબ્ધ થશે, જેઓ તેમની ચાર કે તેથી વધુ રાજ્યો/કેન્દ્રશાસિત પ્રદેશોમાં કચેરીઓ"નો સમાવેશ થાય છે.

મંત્રાલયે જણાવ્યું કે, આનાથી સમગ્ર ભારતના રાજ્યો/કેન્દ્રશાસિત પ્રદેશોમાં સ્થાનાંતરણ પર વ્યક્તિગત વાહનોની મુક્ત અવરજવર સરળ બનશે. મોટર વ્હિકલ ટેક્સ બે વર્ષ માટે અથવા બેના ગુણાંકમાં વસૂલવામાં આવશે. ચૌદમું વર્ષ પૂરું થયા બાદ, મોટર વાહન વેરો વાર્ષિક વસૂલવામાં આવશે. જે તે વાહન માટે અગાઉ વસૂલવામાં આવતી રકમનો અડધો ભાગ હશે.

English summary

Central Government introduced BH series registration mark for new vehicles.