Manju Singh Passes Away : 'ગોલમાલ' ફેમ એક્ટ્રેસનું નિધન, ઘણા સમયથી હતા બીમાર
ટેલિવિઝનના દિગ્ગજ કલાકાર મંજુ સિંહનું બીમારી બાદ નિધન થયું છે. તેમના પરિવારે શનિવારના રોજ આ અંગે માહિતી આપી હતી. પરિવારે જણાવ્યું કે, તેમનું ગુરુવારના રોજ મુંબઈમાં અવસાન થયું હતું.
Manju Singh Passes Away : ટેલિવિઝનના દિગ્ગજ કલાકાર મંજુ સિંહનું બીમારી બાદ નિધન થયું છે. તેમના પરિવારે શનિવારના રોજ આ અંગે માહિતી આપી હતી. પરિવારે જણાવ્યું કે, તેમનું ગુરુવારના રોજ મુંબઈમાં અવસાન થયું હતું. કહેવામાં આવી રહ્યું છે કે, 72 વર્ષીય અભિનેત્રીને હાર્ટ એટેકના કારણે તેમનું મૃત્યુ થયું હતું.
પરિવારે મીડિયાને જણાવ્યું હતું કે, તમને જણાવતાં અમને ખૂબ જ દુઃખ થાય છે કે, મંજુ સિંહનું હાર્ટ એટેકને કારણે નિધન થયું છે. તેઓ સુંદર અને પ્રેરણાદાયી જીવન જીવતા હતા. 'મંજુ દીદી' થી 'મંજુ નાની' સુધીની તેમની સફરને યાદ કરવામાં આવશે.
'શો થીમ' થી કરિયરની શરૂઆત કરી
માહિતી અનુસાર, મંજુ સિંહે 1980 ના દાયકાની શરૂઆતમાં નાના પડદા પર પ્રથમ પ્રાયોજિત કાર્યક્રમ 'શો થીમ' થી શરૂઆત કરી હતી. નોંધપાત્ર રીતે, મંજુ સિંહ ખાસકરીને હૃષિકેશ મુખર્જી ની 1979ની ફિલ્મ ગોલમાલથી જાણીતી બની હતી. આ ફિલ્મમાં તેણે રત્ના નામની છોકરીનું પાત્ર ભજવ્યું હતું. આ સિવાય તે ટીવી ઈન્ડસ્ટ્રીમાંપણ જાણીતું નામ હતું.
ઘણા ટીવી શોનું નિર્માણ કર્યું
જે બાદમાં તેમણે દૂરદર્શન માટે સિરિયલો, બાળકોના શો, આધ્યાત્મિકથી લઈને ક્રિયેટીવ અને અન્ય અર્થપૂર્ણ વિષયો સુધીના ઘણા યાદગાર ટેલિવિઝન કાર્યક્રમોનુંનિર્માણ કર્યું હતું.
બાળકોના શો થી લઈને હિન્દી ફિલ્મો સુધીની સફર
તેમાંના કેટલાકમાં 'એક કહાની', 'સ્વરાજ', 'અધિકાર' નો સમાવેશ થાય છે અને બાળકોના શો 'ખેલ ખિલાડી' નું એન્કરિંગ કર્યું હતું, જે તે સમયે સૌથી લાંબા સમય સુધીચાલતા શોમાંનો એક હતો. મંજુ સિંહે કેટલીક હિન્દી ફિલ્મોમાં પણ કામ કર્યું હતું.
મંજુ સિંહે મહત્વના મુદ્દાઓ પર ચર્ચા કરી
મંજુ સિંહે મોટાભાગે તેમના શોમાં રાષ્ટ્રીય, સાંસ્કૃતિક અને સામાજિક મુદ્દા ઉઠાવ્યા હતા. તેમણે 1983માં 'શો ટાઈમ' થી નિર્માતા તરીકેની કારકિર્દીની શરૂઆત કરી હતી.
જેમાં ઘણી પ્રાદેશિક ભાષાઓની સાહિત્યિક ટૂંકી વાર્તાઓની ચર્ચા કરવામાં આવી હતી. આ સિવાય તેમણે પોતાની ડોક્યુમેન્ટ્રી-ડ્રામા સિરીઝ 'અધિકાર' માં મહિલાઓનાકાયદાકીય અધિકારોને દુનિયાની સામે મૂક્યા હતા.
Click it and Unblock the Notifications
Sign in with Google
