જિજ્ઞેશ મેવાણીએ ટ્વીટ કરી પીએમ મોદી પર કર્યો કટાક્ષ
જિજ્ઞેશ મેવાણીએ પીએમ મોદી પર કર્યો કટાક્ષ પીએમના વીડિયો સાથે તેમના દલિત પ્રેમ અંગે કર્યા સવાલ આ અંગે વધુ વાંચો અહીં...
રાષ્ટ્રીય દલિત અધિકાર મંચના નેતા અને રાજ્યના ધારાસભ્ય જિજ્ઞેશ મેવાણીએ વડાપ્રધાન નરેન્દ્ર મોદી પર કટાક્ષ કર્યો છે. જિજ્ઞેશ મેવાણીએ ટ્વીટ કરતાં લખ્યું છે કે, નાસ્ત્રેદમસે ભવિષ્યવાણી કરી હતી કે, 21મી સદીમાં દુનિયાના શ્રેષ્ઠ અભિનેતા ભારતના હશે. આ ટ્વીટ સાથે જ તેમણે પીએમ મોદીનો એક વીડિયો પણ પોસ્ટ કર્યો છે, જેમાં પીએમ દલિત સમાજના અધિકારો અંગે વાત કરતા સાંભળવા મળે છે. જિજ્ઞેશ મેવાણીએ આ ટ્વીટ સાથે #FakeDalitPrem ટેગ આપ્યું છે.
દલિત નેતા જિજ્ઞેશ મેવાણીએ પીએમ મોદીના દલિત પ્રેમ અંગે પ્રશ્નો કર્યા છે. આ સાથે જ તેમણે #BhimaKoregaon અને #NarendraModiLies ટેગનો પણ ઉપયોગ કર્યો છે. એક તરફ મહારાષ્ટ્રના વિવિધ વિસ્તારોમાં હિંસાનું વાતાવરણ છે. પુણેમાં ભીમા-કોરેગાંવ લડાઇની 200મી વરસી પર આયોજિત કાર્યક્રમમાં થયેલ ધમાલ બાદ બે જૂથો વચ્ચે હિંસા ભડકી ઉઠી હતી. આ મુદ્દે જ વડાપ્રધાન નરેન્દ્ર મોદીને ઘેરતાં જિજ્ઞેશ મેવાણીએ આ ટ્વીટ કર્યું છે. આ કાર્યક્રમમાં જિજ્ઞેશ મેવાણી પોતે પણ હાજર હતા અને તેમની પર ભડકાઉ ભાષણ આપવાનો આરોપ પણ છે.