અગ્નિ-5 મિસાઇલનું બીજું સફળ પરિક્ષણ
બાલાસોર, 15 સપ્ટેમ્બર : સ્વદેશી ટેકનોલોજી દ્વારા બનાવવામાં આવેલ 5000 કિલોમીટરની મારક ક્ષમતાવાળી અંતર મહાદ્વિપીય બૈલાસ્ટિક મિસાઇલ અગ્નિ-5નું આજે ઓડિશાના વ્હીલર દ્વિપથી સફળ પરીક્ષણ કરવામાં આવ્યું. રક્ષા અનુસંધાન અને વિકાસ સંગઠન દ્વારા નિર્મિત આ મિસાઇલના સફળ પરિક્ષણ અંગે જાણકારી સંગઠનના સૂત્રો દ્વારા આપવામાં આવી. આ મિસાઇલ 1000 કિલો સુધીના પરણમારું હથિયારને લઇ જઇ શકે છે અને ચીનથી લઇને યુરોપના દેશ સુધી હુમલો કરી શકે છે.
વ્હીલર દ્વિપથી અગ્નિ-5નું આ બીજું પરિક્ષણ હતું, આ પહેલા 19 એપ્રિલના રોજ અત્રેથી જ આ મિસાઇલનું પરિક્ષણ કરવામાં આવ્યું હતું. આ સફળ પરિક્ષણ બાદ અંતર મહાદ્વિપીય બેલાસ્ટિક મિસાઇલના પ્રક્ષેપણની ક્ષમતા રાખનાર દેશો અમેરિકા, રશિયા, ફ્રાંસ, અને ચીન સમૂહમાં ભારત પણ સામેલ થઇ ગયું છે.
આ પરિક્ષણની સાથે જ 'અગ્નિ-5' ભારતની પાસે ઉપલબ્ધ તમામ મિસાઇલોમાં સૌથી વધારે દૂર સુધી હુમલો કરનારી મિસાઇલ બની ગઇ છે. આજના સમયમાં સૌથી વધારે દૂર સુધી મારન કરનારી ભારતીય મિસાઇલ 'અગ્નિ-3' છે, જે 3,500 કિલોમીટર દૂર માર કરી શકે છે. અગ્નિ-5ની લંબાઇ 17 મીટર છે અને આનું વજન લગભગ 50 ટન છે.